ຕຳຫຼວດ ຈາລະຈອນເຮັດວຽກຢູ່ນອກສຳນັກງານສະພາແຫ່ງຊາດ
(ພາບ: Doãn Tấn/TTXVN)
|
(vovworld) – ມີຄະນະສະມາຊິກສະພາແຫ່ງຊາດປະມານ 30 ຄະນະຂອງບັນດາປະເທດ ແລະ ບັນດາອົງການຈັດຕັ້ງສາກົນໄດ້ມາຮອດ ຮ່າໂນ້ຍ ເພື່ອເຂົ້າຮ່ວມກອງປະຊຸມສະມັດຊາໃຫຍ່ສະຫະພັນລັດຖະສະພາສາກົນຄັ້ງທີ 132 (IPU 132), ຖືກຈັດຕັ້ງໃນລະຫວ່າງວັນທີ 28/3 – 1/4/2015. ສະເພາະໃນວັນທີ 25/3, ບັນດາອະນຸກຳມະການຂຶ້ນກັບຄະນະຈັດຕັ້ງກອງປະຊຸມ IPU 132 ໄດ້ຕ້ອນຮັບ ຄະນະສະມາຊິກສະພາແຫ່ງຊາດກ່ວາ 20 ຄະນະຂອງບັນດາປະເທດຄື: Netheriands, Algeria, Venezuala, Pakistan…
ແລະກໍ່ໃນວັນທີ 25/3, ທີ່ການຕ້ອນຮັບທ່ານ Saber Choedhury, ປະທານສະຫະພັນລັດຖະສະພາສາກົນ (IPU) ພວມຢ້ຽມຢາມ ຫວຽດນາມ, ທ່ານນາຍົກລັດຖະມົນຕີ ຫງວຽນເຕີນຢູ້ງ ເນັ້ນໜັກວ່າ: ຫວຽດນາມ ຕີລາຄາສູງບົດບາດຂອງ IPU ແລະ ພິເສດຖືເປັນສຳຄັນກອງປະຊຸມ IPU 132 ຢູ່ ຮ່າໂນ້ຍ ດ້ວຍຫົວຂໍ້ວ່າ “ບັນດາຈຸດໝາຍພັດທະນາແບບຍືນຍົງ - ຫັນຄຳເວົ້າເປັນການກະທຳ”. ທ່ານນາຍົກລັດຖະມົນຕີຖືນີ້ແມ່ນຫົວເລື່ອງເໝາະສົມກັບສະພາບການໃນປີ 2015, ພ້ອມທັງສະແດງໃຫ້ເຫັນບັນດາຈຸດໝາຍໃນຍຸດທະສາດ IPU ໄລຍະ 2012 – 2017. ທ່ານນາຍົກລັດຖະມົນຕີ ຫງວຽນເຕີນຢູ້ງ ຢັ້ງຢືນວ່າ: ຫວຽດນາມ ຈະເຮັດຈົນສຸດຄວາມສາມາດຂອງຕົນເພື່ອໃຫ້ IPU 132 ບັນລຸຜົນສຳເລັດ.