ກອງປະຊຸມຜູ້ລາຍງານແຂວງ ກາເມົາ
(ພາບປະກອບ)
(vovworld) - ຕອນເຊົ້າວັນທີ 08/02 ຢູ່ຮ່າໂນ້ຍ ຄະນະໂຄສະນາສຶກສາສູນກາງຈັດຕັ້ງກອງປະຊຸມຜູ້ລາຍງານບັນດາແຂວງ, ຄະນະພັກນະຄອນ, ຄະນະພັກຂຶ້ນກັບສູນກາງເຂດພາກເໜືອເດືອນ 02/2017, ເພື່ອແນໃສ່ແຈ້ງສະຖານະການການເມືອງໃນໄລຍະມໍ່ໆມານີ້ ແລະ ຍົກອອກທິດໂຄສະນາໃນໄລຍະຈະມາເຖິງ. ລາຍງານກ່ຽວກັບຫົວເລື່ອງສະເພາະຄຳສັ່ງເລກທີ 05 ຂອງກົມການເມືອງກ່ຽວກັບ “ຍູ້ແຮງການຮ່ຳຮຽນ, ປະຕິບັດຕາມແນວຄິດ, ຄຸນສົມບັດ ວິຖີຊີວິດປະທານ ໂຮ່ຈີມິນ”, ຮອງຫົວໜ້າຄະນະຜູ້ປະຈຳການຄະນະໂຄສະນາສຶກສາສູນກາງ ທ່ານ ມາຍວັນນິງ ຖືວ່າ: ເລື່ອງຍູ້ແຮງການຮ່ຳຮຽນ, ປະຕິບັດຕາມແນວຄິດ, ຄຸນສົມບັດ ວິຖີຊີວິດປະທານ ໂຮ່ຈີມິນ, ພະນັກງານ, ສະມາຊິກພັກແຕ່ລະຄົນຕ້ອງຝຶກຝົນຫຼໍ່ຫຼອມເອງ, ປັບປຸງຕົນເອງ ເພື່ອເຮັດໃຫ້ພັກປອດໄສ, ໝັ້ນຄົງເຂັ້ມແຂງ. ກ່ຽວກັບຄຸນສົມບັດ, ສະມາຊິກພັກຄວນເອົາໃຈໃສ່ເປັນພິເສດ ເຖິງການຍົກສູງຈິດໃຈຮັບຜິດຊອບ, ຕໍ່ສູ້ໃຫ້ພັກ, ໃຫ້ການປະຕິວັດຕະຫລອດຊີວິດ; ຮັກສາກົດລະບຽບພັກໃຫ້ໝັ້ນຄົງ, ປະຕິບັດນະໂຍບາຍຂອງພັກ, ກົດໝາຍຂອງລັດເປັນຢ່າງດີ; ຮັບໃຊ້ປະຊາຊົນຢ່າງສຸດຈິດສຸດໃຈ; ຍາມໃດກໍ່ຕຳໜິຕິຊົມຕົນເອງ ແລະ ຕຳໜິຕິຊົມເພື່ອນສະຫາຍ, ພ້ອມກັນກ້າວໜ້າ; ຕັ້ງໜ້າ, ຕື່ນຕົວສຳເລັດທຸກໜ້າທີ່ເຊິ່ງໄດ້ຮັບມອບໝາຍ.