(vovworld) – ວັນທີ 14/7, ທ່ານປະທານາທິບໍດີ ຟີລິບປິນ Rodrigo Duterte ໃຫ້ຮູ້ວ່າ: ທ່ານຈະສົ່ງທ່າ
(ພາບປະກອບຈາກ EPA/TTXVN)ນອະດີດປະທານາທິບໍດີ Fidel Ramos ໄປຍັງ ຈີນ ເພື່ອເຈລະຈາ, ພາຍຫຼັງສານອະນຸຍາໂຕຕຸລາການ (PCA) ຢູ່ລາໄຮ (ປະເທດ ໂຮນລັງ) ໄດ້ອອກຄຳຕັດສິນກ່ຽວກັບເລື່ອງ ຟີລິບປິນ ຟ້ອງຮ້ອງ ຈີນ ກ່ຽວຂ້ອງເຖິງການຂັດແຍ້ງກັນຢູ່ທະເລຕາເວັນອອກ, ຕາມນັ້ນແລ້ວ ໄດ້ປະຕິເສດບັນດາຄຳຮຽກສິດອະທິປະໄຕຂອງ ປັກກິ່ງ ຢູ່ເຂດທະເລນີ້. ກ່າວຄຳເຫັນທີ່ການປະຊຸມຢູ່ ວິທະຍາໄລ San Beda, ທ່ານປະທານາທິບໍດີ Duterte ເວົ້າວ່າ ສົງຄາມບໍ່ແມ່ນການເລືອກເຟັ້ນ, ດັ່ງນັ້ນທ່ານຢາກດຳເນີນການເຈລະຈາສັນຕິພາບ.
ວັນທີ 14/7, ສຳນັກຂ່າວສານ Kyodo (ປະເທດ ຍີ່ປຸ່ນ) ໄດ້ໃຫ້ຂ່າວວ່າ: ໃນວັນດຽວກັນ, ກຳລັງປ້ອງກັນທະເລ ຈີນ ໄດ້ກີດຂວາງບໍ່ໃຫ້ບັນດາຊາວປະມົງ ຟີລິບປິນ ເຂົ້າຫາດ Scarborough ຢູ່ທະເລຕາເວັນອອກ ໂດຍບໍ່ຫົວຊາຕໍ່ຄຳຕັດສິນຂອງສານ PCA.
ແລະກໍ່ໃນວັນທີ 14/7, ໂຄສົກກະຊວງການຕ່າງປະເທດ ລັດເຊຍ ທ່ານນາງ Maria Zakharova ໄດ້ອອກຖະແຫຼງການເນັ້ນໜັກຫຼັກໝັ້ນ “ຢ່າງສະເໝີຕົ້ນສະເໝີປາຍ ແລະ ບໍ່ປ່ຽນແປງ” ຂອງມົດສະກູ, ຕາມນັ້ນແລ້ວ, ບັດດາຝ່າຍກ່ຽວຂ້ອງເຖິງການຂັດແຍ້ງກັນຢູ່ທະເລຕາເວັນອອກ ຕ້ອງເຄົາລົບຫຼັກການບໍ່ນຳໃຊ້ກຳລັງອາວຸດ ແລະ ສືບຕໍ່ຊອກຫາມາດຕະການດ້ານການເມືອງ - ການທູດ ບົນພື້ນຖານກົດໝາຍສາກົນຢ່າງເຂັ້ມງວດ, ກ່ອນອື່ນໝົດແມ່ນສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ ປີ 1982 (UNCLOS).
ວັນທີ 14/7, ທ່ານ Greg Polin, ຜູ້ອຳນວຍການໂຄງການກະຈ່າງແຈ້ງ ໃນການເດີນເຮືອ ອາຊີ ຂຶ້ນກັບສູນຄົ້ນຄ້ວາຍຸດທະສາດ ແລະ ສາກົນ (CSIS) ມີສຳນັກງານຢູ່ ວໍຊີງຕັນ (ອາເມລິກາ) ໃຫ້ຂໍ້ສັງເກດວ່າ: ຄຳຕັດສິນຂອງ PCA ສ້າງຄວາມສົ່ງເສີມໃນການແກ້ໄຂການຂັດແຍ້ງກັນຢູ່ເຂດທະເລນີ້.
ແລະກໍ່ໃນວັນດຽວກັນ, ໜັງສືພິມ ພາກໃຕ້ເຢຍລະມັນ (SZ) ໃຫ້ຮູ້ວ່າ: ຈີນ ພວມນາບຂູ່ຫຼາຍປະເທດເຊິ່ງແມ່ນສະມາຊິກ ສະຫະພາບ ເອີລົບ (ອີຢູ) ທີ່ກ່ຽວຂ້ອງເຖິງຄຳຕັດສິນຂອງ PCA.