ທ່ານ Luong Thanh Nghi ໂຄສົກກະຊວງການຕ່າງປະເທດ ຫວຽດນາມ
ພາບ:nongdan24g.com
|
(vovword) - ຕໍ່ຫນ້າເຫດການ ວັນທີ 23/6 ບໍລິສັດໃຫຍ່ນ້ຳມັນອາຍແກສມະຫາສະມຸດ ຈີນ ປະກາດເປີດການປະມູນສາກົນ ຢູ່ ບໍ່ນ້ຳມັນອາຍແກສ 9 ແຫ່ງໃນຂອບເຂດຂອງເຂດເສດຖະກິດພິເສດ ແລະ ໄຫລ່ທະວີບ ຂອງ ຫວຽດນາມ, ວັນທີ 26/6/2012, ທ່ານ Luong Thanh Nghi ໂຄສົກກະຊວງການຕ່າງປະເທດ ຫວຽດນາມ ຊີ້ແຈງວ່າ: ກ່ອນອື່ນໝົດຕ້ອງຢືນຢັນວ່າ: ບໍລິເວນຊຶ່ງ ບໍລິສັດໃຫຍ່ນ້ຳມັນອາຍແກສມະຫາສະມຸດ ຈີນ ປະກາດເປີດການປະມູນສາກົນ ແມ່ນຕັ້ງຢູ່ໃນເຂດເສດຖະກິດພິເສດ 200 ໄມທະເລ ແລະ ໄຫລ່ທະວິບຂອງ ຫວຽດນາມ ຕາມສົນທິສັນຍາສະຫະປະຊາຊາດກ່ຽວກັບກົດໝາຍທະເລປີ 1982. ນີ້ບໍ່ແມ່ນເຂດທີ່ເກິດການພິພາດກັນ. ເລື່ອງຝ່າຍຈີນ ປະກາດເປີດການປະມູນສາກົນຢູ່ເຂດເສດຖະກິດພິເສດ ແລະ ໄຫລ່ທະວີບ ຂອງຫວຽດນາມ ແມ່ນການກະທຳທີ່ຜິດກົດໝາຍ ແລະ ບໍ່ມີຄຸນຄ່າ, ລະເມີດຢ່າງຮ້າຍແຮງຕໍ່ອະທິປະໄຕ, ສິດຕັດສິນ ແລະ ຜົນປະໂຫຍດແຫ່ງຊາດອັນຊອບທຳຂອງ ຫວຽດນາມ, ລະເມີດສົນທິສັນຍາສະຫະປະຊາຊາດກ່ຽວກັບກົດໝາຍທະເລປີ 1982 ຊຶ່ງຈີນແມ່ນປະເທດສະມາຊິກ, ເຮັດໃຫ້ສະພາບການສັບສົນຂຶ້ນຕື່ມ ແລະ ກໍຄວາມເຄັ່ງຕືງຢູ່ເຂດທະເລຕາເວັນອອກ. ຫວຽດນາມ ຄັດຄ້ານຢ່າງແຮງຕໍ່ການກະທຳດັ່ງກ່າວຂອງຈີນ ແລະ ສະເຫນີໃຫ້ຝ່າຍຈີນ ຕ້ອງຍົກເລີກການປະກາດເປີດການປະມູນຢ່າງຜິດພາດດັ່ງກ່າວ, ບໍ່ເຮັດໃຫ້ສະພາບການຢູ່ທະເລຕາເວັນອອກສັບສົນຂຶ້ນຕື່ມ ແລະ ເປີດກວ້າງການພິພາດ, ປະຕິດບັດຕາມຂໍ້ຕົກລົງກ່ຽວກັບບັນດາຫລັກການພື້ນຖານຢ່າງເຂັ້ມງວດ ເພື່ອຊີ້ນຳແກ້ໄຂບັນຫາບົນທະເລ ຫວຽດນາມ ແລະ ຈີນ, ເຄົາລົບກົດໝາຍສາກົນ ເປັນຕົ້ນແມ່ນສົນທິສັນຍາສະຫະປະຊາຊາດກ່ຽວກັບກົດໝາຍທະເລປີ 1982 ແລະ ເນື້ອໃນຈິດໃຈຂອງຖະແຫລງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ.