ໂຄສົກກະຊວງການຕ່ວງປະເທດຫວຽດນາມ
(ພາບ: .vnn)
(vovworld)- ຊາວປະມົງທາງພາກກາງຫວຽດນາມ ໄດ້ອອກສຽງຄັດຄ້ານຄຳສັ່ງຫ້າມຫາປາຫວ່າງແລ້ວນີ້ຂອງຄະນະກຳມະການປະຈຳ ປຊຊ ແຂວງໄຫ່ໜານ ປະເທດຈີນ.
ໃນຊຸມວັນນີ້, ຊາວປະມົງຍັງອອກສູ່ທະເລ ຫຼືກະກຽມການອອກສູ່ທະເລຫາປາໃນທ້າຍປີ. ກຸງດິງທູ (Củng Đình Thu) ຊາວປະມົງຢູ່ບ້ານໂຝອານ (Phổ An), ຕາແສງເຫງ້ຍອານ (Nghĩa An), ເມືອງຕືເຫງ້ຍ (Tư Nghĩa), ແຂວງກວາງຫງ້າຍ, ເຈົ້າຂອງກຳປັ່ນ QNg 92771 ຜູ້ຫາກໍ່ກັບມາຈາກການຫາປາຢູ່ເຂດທະເລເຈື່ອງຊາ ໃຫ້ຮູ້ວ່າ: ຊາວປະມົງບໍ່ສົນໃຈເຖິງຄຳຮຽກຮ້ອງທີ່ໄຮ້ເຫດຜົນຂອງຝ່າຍຈີນ ແລະ ສືບຕໍ່ຫາປາຢູ່ເຂດທະເລຮ່ວາງຊາ:
“ຊາວຫວຽດນາມ ຕ້ອງຂໍອະນຸຍາດຈີນ ໃຫ້ຫາປາຢູ່ເຂດນ່ານທະເລຂອງຫວຽດນາມ ແມ່ນເລື່ອງໄຮ້ເຫດຜົນ. ພວກຂ້າພະເຈົ້າບໍ່ຕ້ອງຂໍອະນຸດຍາດຝ່າຍຈີນ, ເພາະວ່າ. ເຂດນ່ານທະເລຮ່ວາງຊາຂອງຫວຽດນາມ ແມ່ນຂື້ນກັບອະທິປະໄຕຂອງຫວຽດນາມ, ນັບແຕ່ດົນນານມາແລ້ວ ຈົນຮອດປະຈຸບັນ“.
ຊາວປະມົງຫຼາຍຄົນໄດ້ຄັດຄ້ານ ແລະ ຖືວ່າ: ຂໍ້ຕົກລົງພຽງລຳພັງຝ່າຍດຽວຂອງຈີນ ແມ່ນວຽກງານທີ່ຜິດພາດ. ຫວໍ້ຮົງຄາ (Võ Hồng Kha) ຊາວປະມົງຢູ່ຕາແສງບິງນາມ (Bình Nam), ເມືອງ ທັງບິ່ງ (Thăng Bình), ແຂວງກວາງນາມ ເວົ້າວ່າ:
“ຂ້ອຍເຫັນວ່າຄຳສັ່ງເກືອດຫ້າມຂອງຈີນແມ່ນໄຮ້ເຫດຜົນ, ພວກຂ້ອຍຫາປາໃນເຂດນ່ານທະເລຂອງພວກຂ້ອຍ ຫາກບໍ່ຫາປາໃນເຂດນ່ານທະເລຂອງເຂົາເຈົ້າ. ພວກຂ້ອຍຈະສືບຕໍ່ອອກສູ່ທະເລເພື່ອຫາປາ“.
ໃນຂະນະນັ້ນ, ວັນທີ 12/1, ຍີ່ປຸ່ນ ໄດ້ຄັດຄ້ານເລື່ອງຈີນ ຈັດວາງບັນດາຂໍ້ກຳນົດໃໝ່ກ່ຽວກັບເລື່ອງຈຳກັດການຫາປາຢູ່ທະເລຕາເວັນອອກ, ພ້ອມທັງຢັ້ງຢືນຈະປົກປັກຮັກສາອະທິປະໄຕເຂດນ່ານທະເລພາຍຫຼັງການກະທຳລະເມີດຄັ້ງຫຼ້າສຸດຂອງກຳປັ່ນ ແລະ ເຮືອຂອງຈີນ. ກ່ອນໜ້ານັ້ນ, ບັນດາຂໍ້ກຳນົດໃໝ່ກ່ຽວກັບການຫາປາໂດຍອົງການນິຕິບັນຍັດແຂວງໄຫ່ໜານ ປະເທດຈີນ ຮັບຮອງເອົາເມືອ່ເດືອນ 11/2013 ແລະ ເລີ່ມມີຜົນສັກສິດນັບແຕ່ວັນທີ 1/1/2014 ເປັນຕົ້ນໄປ ກໍໄດ້ຮັບການຄັດຄ້ານຈາກອາເມລິກາ ແລະ ຟີລິບປິນ ເຊັ່ນດຽວກັນ. ກະຊວງການຕ່າງປະເທດອາເມລິກາຖືວ່າ: ນີ້ແມ່ນການກະທຳເກາະຜິດ ແລະ ອັນຕະລາຍທີ່ສຸດ, ລະເມີດສິດເສລີໃນການເດີນທະເລ ແລະ ການຫາປາຂອງທຸກໆປະເທດຢູ່ເຂດນ່ານທະເລສາກົນ ຊື່ງໄດ້ລະບຸໄວ້ໃນສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລ./.