ທ່ານຟ້າມກວາງງິ້ກ່າວຄຳເຫັນທີ່ພິທີ
(ພາບ: http://vnexpress.net )
(vovworld)- ງານຊຸມນຸມມິດຕິງສະເຫຼີມສະຫຼອງ 60 ປີແຫ່ງວັນປົດປ່ອຍນະຄອນຫຼວງ (10/10/1954-10/10/2014) ໄດ້ຖືກຈັດຂຶ້ນຢ່າງສົມກຽດໃນຕອນເຊົ້າວັນທີ 10/10 ຢູ່ຮ່າໂນ້ຍ ໂດຍມີການເຂົ້າຮ່ວມຂອງບັນດາການນຳພັກ, ລັດ, ລັດຖະບານ, ສະພາແຫ່ງຊາດຫວຽດນາມ, ບັນດານັກປະຕິວັດຜູ້ອະວຸໂສ ພ້ອມດ້ວຍຜູ້ຕາງໜ້າ ປຊຊ ທຸກຊັ້ນວັນນະ ແລະ ບັນດາອົງການທຸຕານຸທູດປະຈຳຮ່າໂນ້ຍ.
ກ່າວສູນທອນພົດທີ່ພິທີ, ທ່ານຟ້າມກວາງງິ້, ເລຂາຄະນະພັກນະຄອນຫຼວງຮ່າໂນ້ຍ ຢືນຢັນວ່າ: 60 ປີແຫ່ງວັນປົດປ່ອຍນະຄອນຫຼວງຮ່າໂນ້ຍ ແມ່ນເຫດການສຳຄັນຍິ່ງ ແລະ ສະຫງ່າງລາສີໃນປະຫວັດສາດແຫ່ງອະລິຍະທຳນັບພັນປີຂອງທັງລອງ-ຮ່າໂນ້ຍ:
“ນັບແຕ່ຈຸດເວລານັ້ນ, ນະຄອນຫຼວງຮ່າໂນ້ຍ ພ້ອມກັບທົ່ວປະເທດກ້າວເຂົ້າສູ່ໜ້າປະຫວັດສາດໃໝ່, ຄວາມເອກະອ້າງທະນົງໃຈນັ້ນຂຶ້ນກັບ ປຊຊ ຫວຽດນາມ ວິລະຊົນ, ໃນນັ້ນມີທະຫານ ແລະ ປຊຊ ນະຄອນຫຼວງ. ໂດຍພາຍໃຕ້ການນຳພາຂອງພັກ, ຊື່ງ ນຳໜ້າແມ່ນປະທານໂຮ່ຈິມິນ, ທະຫານ ແລະ ປຊຊ ນະຄອນຫຼວງ ໄດ້ຕໍ່ສູ້ຢ່າງພິລາດອາດຫານ ແລະ ໄດ້ຮັບໄຊຊະນະຢ່າງສະຫງ່າອົງອາດ“.
ທ່ານເລຂາຄະນະພັກນະຄອນຫຼວງຮ່າໂນ້ຍ ຟ້າມກວາງງິ້ ຢືນຢັນວ່າ, ພາຍຫຼັງປີ 1975, ຮ່າໂນ້ຍພ້ອມກັບທົ່ວປະເທດ ຕັດສິນໃຈດຳເນີນພາລະປິດປ່ຽນແປງໃໝ່, ບັນລຸໄດ້ບັນດາຜົນງານທີ່ສຳຄັນ, ນຳປະເທດຊາດກ້າວຂຶ້ນ. ໃນໄລຍະການປະຕິວັດໃຫ່ມ, ນະຄອນຫຼວງຮ່າໂນ້ຍ ຈະມານະພະຍາຍາມກ່ວາອີກເພື່ອກາຍເປັນແບບຢ່າງດີເດັ່ນຂອງທົ່ວປະເທດ, ປະກອບສ່ວນປັບປຸງ, ເພີ່ມທະວີຄວາມໄວ້ເນື້ອເຊື່ອໃຈຂອງ ປຊຊ ທີ່ມີຕໍ່ພັກ, ລັດ, ລະບອບສັງຄົມນິຍົມ:
“ເພື່ອສົມກັບບັນດາຄຸນງາມຄວາມດີ ແລະ ການເສຍສະຫຼະອັນໃຫ່ຍຫຼວງຂອງຄົນລຸ້ນກ່ອນ, ຊາວຮ່າໂນ້ຍ ໃນທຸກວັນນີ້ ຕ້ອງເສີມຂະຫຍາຍມູນເຊື້ອປະຫວັດສາດ, ວັດທະນະທຳ ແລະ ການປະຕິວັດ, ຕັດສິນໃຈສ້າງສານະຄອນຫຼວງຮ່າໂນ້ຍ ພັດທະນາຢ່າງຮອບດ້ານ ແລະ ໝັ້ນຄົງ, ສ້າງນະຄອນຫຼວງຂຽວ, ອະລິຍະທຳ, ສີວິໄລ, ທັນສະໄໝ, ສົມເປັນສູນກາງການເມືອງ, ການປົກຄອງແຫ່ງຊາດ, ສູນກາງວັດທະນະທຳ, ວິທະຍາສາດ, ການສຶກສາ, ເສດຖະກິດ ແລະ ພົວພັນກັບສາກົນຂອງທົ່ວປະເທດ, ສົມກັບຄວາມໄວ້ເນື້ອເຊື່ອໃຈຂອງ ປຊຊ, ຄວາມຮັກແພງຂອງເພື່ອນມິດສາກົນ“.
ທີ່ພິທີສະເຫຼີມສະຫຼອງຈັດຂຶ້ນໃນຕອນເຊົ້າຂອງວັນທີ 10/10, ທ່ານປະທານປະເທດເຈືອງເຕິນຊາງ ໄດ້ປະດັບຫຼຽນໄຊໂຮ່ຈິມິນ ຊື່ງແມ່ນລາງວັນອັນສູງສົ່ງຂອງພັກ, ລັດ ໃຫ້ແກ່ ປຊຊ ແລະ ພະນັກງານນະຄອນຮ່າໂນ້ຍ ຍ້ອນມີບັນດາຜົນງານດີເດັ່ນໃນພາລະກິດການປະຕິວັດຂອງພັກ ແລະ ຂອງຊາດ./.