(vovworld) – ຕອນບ່າຍວັນທີ 3/ 4, ງານຕະຫຼາດນັດການຄ້າ, ການບໍລິການ ຫວຽດນາມ - ກຳປູເຈຍ ປີ 2013 ຖືກໄຂຂຶ້ນຢູ່ ພະນົມເປັນ, ປະເທດ ກຳປູເຈຍ. ນີ້ແມ່ນການເຄື່ອນໄຫວສົ່ງເສີມການຄ້າໄດ້ຮັບການຈັດຕັ້ງປະຈຳປີ ເພື່ອແນໃສ່ແນະນຳສິນຄ້າ ຫວຽດນາມ, ຊ່ວຍໃຫ້ຜູ້ອຸປະໂພກບໍລິໂພກ ກຳປູເຈຍ ມີເງື່ອນໄຂເພື່ອເລືອກເຟັ້ນບັນດາຜະລິດຕະພັນທີ່ມີຄຸນນະພາບສູງ, ປະກອບສ່ວນຊຸກຍູ້ການພົວພັນການຄ້າ 2 ຝ່າຍ ຫວຽດນາມ - ກຳປູເຈຍ. ໂດຍດຳເນີນໄປໃນເວລາ 5 ວັນ (03 – 07/4), ງານຕະຫຼາດນັດໄດ້ດຶງດູດການເຂົ້າຮ່ວມຂອງ ວິສາຫະກິດ ຫວຽດນາມ 120 ແຫ່ງ ດ້ວຍຮ້ານວາງສະແດງສິນຄ້າ 220 ຮ້ານ, ແນະນຳບັນດາຜະລິດຕະພັນ, ສິນຄ້າຂອງ ຫວຽດນາມ ທີ່ມີຄຸນນະພາບສູງຄື: ຜະລິດຕະພັນກະເສດ, ກົນຈັກຮັບໃຊ້ກະສິກຳ, ເຄື່ອງຕຳ່ແຜ່ນຕັດຫຍິບ - ເກີບໜັງ... ກ່າວຄຳເຫັນໄຂງານຕະຫຼາດນັດ, ທ່ານນາງຮອງນາຍົກລັດຖະມົນຕີຜູ້ປະຈຳການລັດຖະບານ ລາຊະອານາຈັກ ກຳປູເຈຍ Men Som An, ເນັ້ນໜັກວ່າ:
“ການພົວພັນດ້ານການຄ້າລະຫວ່າງ ກຳປູເຈຍ - ຫວຽດນາມ ໄດ້ມີບາດກ້າວພັດທະນາທີ່ໜ້າຮັບຮູ້. ການລົງທຶນຂອງ ຫວຽດນາມ ຢູ່ ກຳປູເຈຍ ໄດ້ຮັບການເປີດກ້ວາງໃນຫຼາຍຂົງເຂດ, ພິເສດແມ່ນໃນຂົງເຂດກະສິກຳ, ໂທລະຄົມ, ການບິນ, ທະນາຄານ. ຍາມໃດຈຳນວນແຂກທ່ອງທ່ຽວ ຫວຽດນາມ ມາ ກຳປູເຈຍ ກໍ່ຫຼາຍກ່ວາໝູ່. ໃນຂະນະທີ່ປະຊາຊົນ ກຳປູເຈຍ ນັບພັນຄົນກໍ່ ໄປ ຫວຽດນາມ ເພື່ອທ່ອງທ່ຽວ, ທຳມາຫາກິນ ແລະ ປິ່ນປົວພະຍາດ”