ງານຕະຫຼາດນັດ-ການວາງສະແດງອຸດສາຫະກຳ- ກະສີກຳ - ການຄ້າ ເຂດໄຕງວຽນ 2013
ງານຕະຫຼາດນັດໄດ້ດຶງດູດຜູ້ມາຊົມເບິ່ງ, ຊຶ້ຜະລິດຕະພັນຢ່າງຫຼວງຫຼາຍ
|
(vovworld)- ໂດຍສືບຕໍ່ບັນດາການເຄື່ອນໄຫວມຸ່ງໄປສູ່ການສະເຫຼີມສະຫຼອງ 10 ປີ ແຫ່ງວັນສ້າງຕັ້ງ ແຂວງດັກນົງ, ຕອນຄ່ຳວັນທີ 19/12, ໄດ້ດຳເນີນພິທີ ໄຂງານຕະຫຼາດນັດ-ການວາງສະແດງອຸດສາຫະກຳ-ກະສີກຳ-ການຄ້າເຂດໄຕງວຽນ 2013ຢູ່ແຂວງດັກນົງ. ງານຕະຫຼາດນັດ-ການວາງສະແດງອຸດສາຫະກຳ-ກະສີກຳ-ການຄ້າເຂດໄຕງວຽນ 2013 ໂດຍຄະນະກຳມະການປະຊາຊົນແຂວງ ດັກນົງ ສົມທົບກັບບໍລິສັດຫຸ້ນສ່ວນສົ່ງເສີມການຄ້າ ແລະ ພັດທະນາເສດຖະກິດ(ນະຄອນໂຮ່ຈິມິນ) ຈັດຈຶ້ນ. ນີ້ແມ່ນເຫດການ ສົ່ງເສີມການຄ້າໃຫຍ່ຄັ້ງທີ 2 ພາຍຫຼັງ Techmart ດັກນົງ ຊຶ່ງຫາກໍຖືກຈັດຂຶ້ນໃນເດືອນແລ້ວນີ້. ງານຕະຫຼາດນັດ-ການວາງສະແດງຄັ້ງນີ້ລວມມີຮ້ານວາງສະແດງ 400 ຮ້ານ ໂດຍຖືກຈັດແບ່ງເປັນ 3 ເຂດວາງສະແດງຕົ້ນຕໍຄື : ເຂດວາງສະແດງ, ແນະນຳຄວາມສາມາດບົ່ມຊ້ອນ, ທ່າໄດ້ປຽບ ແລະ ບັນດາຜົນງານໃນການພັດທະນາເສດຖະກິດ, ສັງຄົມຂອງບັນດາແຂວງເຂດໄຕງວຽນ; ເຂດວາງສະແດງ, ແນະນຳ, ໂຄສະນາ ແລະ ຂາຍຜະລິດຕະພັນອຸດສາຫະກຳ ແລະ ເຂດຂາຍຜະລິດຕະພັນກະສີກຳ, ການຄ້າສັງລວມຂອງບັນດາວິສາຫະກິດທັງຢູ່ພາຍໃນ ແລະ ຕ່າງປະເທດ. ທ່ານບ້ຽນວັນມິນ ຫົວໜ້າພະແນກອຸດສາຫະກຳການຄ້າ ແຂວງດັກນົງ ໃຫ້ຮູ້ວ່າ :
“ ພວກຂ້າພະເຈົ້າຝາກຄວາມຫວັງຢ່າງຍິ່ງຕໍ່ງານຕະຫຼາດນັດ-ການວາງສະແດງອຸດສາຫະກຳ-ກະສີກຳ-ການຄ້າເຂດໄຕງວຽນ 2013 ຊຶ່ງຈະແມ່ນແຫ່ງວາງສະແດງໝາກຜົນ 10 ປີຂອງຂະແໜງອຸດສາຫະກຳ-ກະສີກຳ-ການຄ້າ. ພ້ອມກັນນັ້ນ, ດ້ວຍຂອບຂະໜາດທີ່ມີຮ້ານວາງສະແດງ 400 ຮ້ານລວມມີບັນດາປະເພດສິນຄ້າທີ່ມີຄຸນນະພາບສູງ, ຈະຊ່ວຍຍູ້ແຮງບັ້ນຂົນຂວາຍຊາວຫວຽດນາມ ໃຫ້ບຸລິມະສິດຊົມໃຊ້ສິນຄ້າຫວຽດນາມ, ຜ່ານນັ້ນ ຈະຊ່ວຍສິນຄ້າຫວຽດນາມສາມາດຢຶດຄອງຕະຫຼາດຢູ່ພາຍໃນປະເທດໄດ້ ”