ງານຕະຫຼາດນັດສິນຄ້າຫວຽດນາມ ຢູ່ຍີ່ປຸ່ນ ຈັດຂຶ້ນແຕ່ວັນທີ 3-5/8
(ພາບປະກອບ:vietnamplus.vn)
( vovworld ) – ແຕ່ວັນທີ 3-5/8, ງານຕະຫຼາດນັດສິນຄ້າຫວຽດນາມ ໄດ້ຖືກຈັດຕັ້ງຂຶ້ນຢູ່ສູນການຄ້າ Aeon Laketown ແຂວງ Saitama ຊື່ງແມ່ນສູນການຄ້າແຫ່ງໃຫ່ຍກ່ວາໝູ່ຢູ່ຍີ່ປຸ່ນ ຫ່າງຈາກນະຄອນຫຼວງໂຕກຽວ 30 ກມໄປທາງທິດເໜືອ. ງານຕະຫຼາດນັດສິນຄ້າຫວຽດນາມ ໂດຍກຸ່ມບໍລິສັດ Aeon ຊື່ງແມ່ນກຸ່ມບໍລິສັດຂາຍຍ່ອຍອັນດັບ 1 ຂອງຍີ່ປູ່ນ ສົມທົບກັບກະຊວງອຸດສາຫະກຳການຄ້າ ແລະ ສະຖານທູດຫວຽດນາມ ປະຈຳຍີ່ປຸ່ນ ຈັດຕັ້ງຂຶ້ນ. ທີ່ງານຕະຫຼາດນັດ, ມີການວາງຂາຍບັນດາຜະລິດຕະພັນຂອງຫວຽດນາມ ຄື: ດອກໄມ້ສົດດ່າລາດ, ໝາກມັງກອນ, ສົ້ງເສື້ອ, ອາຫານແຫ້ງ, ເຄື່ອງສິລະປະຫັດຖະກຳ…. ນອກຈາກນັ້ນແລ້ວ, ທີ່ງານຕະຫຼາດນັດຍັງໄດ້ແນະນຳວັດທະນະທຳຫວຽດນາມ ຄື: ການແນະນຳວິທີແຕ່ງບັນດາເຍື່ອງອາຫານຫວຽດນາມ, ການສະແດງພິມດິດຕຣຶງ, ແນະນຳວິທີເຮັດກຸບ. ຕາມທ່ານ Nguyen Trung Dung ທູດການຄ້າຫວຽດນາມ ປະຈຳຍີ່ປຸ່ນ ແລ້ວ, ເພື່ອຍູ້ແຮງການສົ່ງອອກສິນຄ້າໄປຍັງປະເທດຍີ່ປຸ່ນ, ຫວຽດນາມ ຄວນປະຕິຮູບວິທີການໂຄສະນາ, ສົ່ງເສີມການຄ້າ. ການຮ່ວມມືກັບບັນດາກຸ່ມບໍລິສັດຂາຍຍ່ອຍຍີ່ປຸ່ນ ຄືກຸ່ມບໍລິສັດ Aeon ແມ່ນວິທີການທີ່ດີເພື່ອສົ່ງສິນຄ້າຫວຽດນາມ ເຖິງຜູ້ບໍລິໂພກ ອຸປະໂພກຍີ່ປຸ່ນ.