ລາຍການສະແດງຈຸດວັດທະນະທຳຊົນເຜົ່າຢູ່ ແຂວງກວ໋າງນີງ
ພາບ:quangninh.gov.vn
|
(vovworld) - ງານບຸນ Carnaval ຫ້າລອງ 2012 ຖືກຈັດຂຶ້ນໃນຕອນຄ່ຳວັນທີ 1/5 ຢູ່ນະຄອນຫ້າລອງ ແຂວງກວ໋າງນີງ ໂດຍມີການເຂົ້າຮ່ວມຂອງ ນັກສະແດງ, ນັກສິລະປິນ ຂອງບັນດາຄະນະສິລະປະກອນພາຍໃນ ແລະ ຕ່າງປະເທດ ເກືອບ 4000 ຄົນ. ດ້ວຍຫົວເລື່ອງວ່າ “ເຕົ້າໂຮມ ແລະ ແຜ່ຂະຫຍາຍ”, ງານບຸນ Carnaval ຫ້າລອງ 2012 ໄດ້ສະແດງໃຫ້ເຫັນສີສັນວັດທະນະທຳ ຂອງ 24 ຊົນເຜົ່າທີ່ພວມດຳລົງຊີວິດຢູ່ແຂວງ ກວ໋າງນີງ ແລະ ພ້ອມກັບລາຍການຟ້ອນ, ລຳທຳເພງຍຸກປະຈຸບັນໂດຍປະຊາຊົນແຂວງ ກວ໋າງນີງ ສະແດງ. ງານບຸນ Carnaval ຄັ້ງນີ້ ຖືກສະແດງຢູ່ຕາມຖະຫນົນ, ບົນເວທີສະແດງ ແລະ ບົນຫນ້ານ້ຳ. ນັກສິລະປິນ Le Tien Tho, ຜູ້ກຳກັບການສະແດງໃຫ້ຮູ້ວ່າ:
“ງານບຸນ Carnaval ຄັ້ງນີ້ ພວກຂ້າພະເຈົ້າສຸມໃສ່ຈຸດພົ້ນເດັ່ນຂອງວັດທະນະທຳຫວຽດນາມ ພິເສດແມ່ນຂອງແຂວງ ກວ໋າງນີງຄື: ວັດທະນະທຳແຫ່ງຈິດວິນຍານ, ວັດທະນະທຳ ທະເລ, ວັດທະນະທຳກ່ຽວກັບຖ່ານຫີນ ແລະ ວັດທະນະທຳຂອງບັນດາເຜົ່າ. ເພາະວ່າ ວັດທະນະທຳແມ່ນພື້ນຖານດ້ານຈິດໃຈ, ແມ່ນກຳລັງຫນູນ, ແມ່ນຈຸດໝາຍແຫ່ງການພັດທະນາ.”
ນັກທ່ອງທ່ຽວມາຈາກ ສປປ ລາວ ພ້ອມກັນຟ້ອນ
ລຳວົງໃນງານບຸນ Carnaval Ha Long 2012
ພາບ:internet
|
ຕາມທ່ານ Pham Minh Chinh ເລຂາຄະນະພັກແຂວງ ກວ໋າງນີງ ແລ້ວ, ພາຍຫລັງຈັດຕັ້ງງານບຸນມາເປັນ 4 ຄັ້ງ, Carnaval ຄັ້ງນີ້ ບໍ່ພຽງແຕ່ມີຂອບຂະຫນາດໃຫຍ່ ດ້ວຍຜູ້ເຂົ້າຮ່ວມເປັນຈຳນວນຫລາຍກວ່າໝູ່ເທົ່ານັ້ນ ຫາກຍັງສ້າງຄວາມປະທັບໃຈໃຫ້ແກ່ຜູ້ຊົມອີກດ້ວຍ. ນີ້ແມ່ນກຳລັງຫນູນເພື່ອໃຫ້ຂະແຫນງທ່ອງທ່ຽວແຂວງ ກວ໋າງນີງ ທັງສ້າງຂີດໝາຍກ່ຽວກັບວັດທະນະທຳ ທັງກາຍເປັນຫນຶ່ງໃນບັນດາຂະແຫນງເສດຖະກິດປາຍແຫລມຂອງແຂວງ.
“ໃນອະນາຄົດ ຄາດວ່າ ຈະມີນັກທ່ອງທ່ຽວມາຢ້ຽມຢາມ ຫ້າລອງ ເປັນຈຳນວນຫລວງຫລາຍ. ໄປຄຽງຄຸູ່ກັນນັ້ນ ແຂວງ ກວ໋າງນີງ ຕ້ອງກະກຽມພື້ນຖານໂຄງລ່າງ ແລະ ພິເສດ ແມ່ນວັດທະນະທຳທ່ອງທ່ຽວກໍຄືເງື່ອນໄຂຮັບໃຊ້ນັກທ່ອງທ່ຽວເພື່ອໃຫ້ເຂົາເຈົ້າພຶງພໍໃຈ. ນັ້ນແມ່ນສິ່ງທີ່ຂ້າພະເຈົ້າເອົາໃຈໃສ່ທີ່ສຸດ. ພວກຂ້າພະເຈົ້າກໍຮຽກຮ້ອງໃຫ້ທຸກຄົນ,ອົງການຈົ່ງພ້ອມກັນສ້າງສາ ຫ້າລອງໃຫ້ຈະເລີນຮຸ່ງເຮືອງສວຍງາມກວ່າ.”