ໂບດ ຮ່າໂນ້ຍ ໃນຕອນຄຳ່ວັນທີ 24/12
(ພາບ: kenh14.vn)
(vovworld) - ຢູ່ຮ່າໂນ້ຍ, ໃນຕອນຄຳ່ວັນທີ 24/12, ຢູ່ຖະໜົນສາຍຕ່າງໆຄື: ຮ່າງມ໋າ, ບ່າຈ້ຽວ, ແຄມໜອງຮ່ວານກ໋ຽມ, ຮ່າງບ່າຍ... ແລະ ສູນການຄ້າແຫ່ງຕ່າງໆລ້ວນແຕ່ໄດ້ຮັບການປະດັບປະດາຢ່າງສວຍງາມດ້ວຍຕົ້ນແປກ, ຫິມະ... ບ່ອນໃດກໍ່ຟັງສຽງເພງເພງອວຍພອນງານບຸນຄຼິດສະມາດກ້ອງກັນວານໄປທົ່ວ. ໂບດໃຫຍ່ຮ່າໂນ້ຍ ໄດ້ຮັບການປະດັບປະດາຢ່າງສວຍງາມດ້ວຍສີສັນຫຼາກຫຼາຍຂອງຄົມໄຟນາໆສີ. ປ້າ ຟ້າມທິຮ່ຽນ, ຊາວ ຮ່າໂນ້ຍ ຜຄູ້ໜຶ່ງ ໃຫ້ຮູ້ວ່າ:
“ບັນຍາກາດຕ້ອນຮັບງານບຸນຄຼິດສມາດ ຟົດຟື້ນເນືອງນັນ. ທຸກໆຄົນເຂົ້າຮ່ວມງານບຸນຄຼິດສມາດ ລ້ວນແຕ່ເບີກບານມ່ວນຊື່ນ.”
ຢູ່ແຂວງ ນິງບິ່ງ, ປະຊາຊົນນັບຮ້ອຍຄົນໄດ້ພາກັນໄປຍັງໂບດ ຟາດຢ້ຽມ. ເສັ້ນທາງພາໄປເຖິງໂບດກໍ່ໄດ້ຮັບການປະດັບປາດາຢ່າງສວຍງາມ ເຮັດໃຫ້ໂບດ ຟາດຢ້ຽມ ງາມກ່ວາ ໃນບັນຍາກາດຟົດຟື້ນ, ມ່ວນຊື່ນຂອງຊາວຄຼິດຢູ່ແຫ່ງນີ້.
ໃນຂະນະນັ້ນ, ໃນຕອນແລງວັນທີ 24/12, ຂະບວນຄົນພາກັນໄປຍັງໂບດ ຝູກາມ ຢູ່ ເທື່ອທຽນເຫ້ວ. ບັນດາໂຮງແຮມແຫ່ງໃຫຍ່ຄື: ເຮືອງຢາງ, Century, ແຊງ - ເຫ້ວ... ຈັດຕັ້ງງານລາຕີດຶງດູດແຂກເຂົ້າຮ່ວມເປັນຈຳນວນຫຼວງຫຼາຍ. ສັງຄະນາຍົກ ເລວັນຮົ່ງ, ສັງຄະນະຍົກເຂດຊາວຄຼິດ ເຫ້ວ, ຮອງປະທານສະພາສັງຄະລາດ ຫວຽດນາມ, ໃຫ້ຮູ້ວ່າ:
“ງານບຸນຄຼິດສມາດ, ບໍ່ພຽງແຕ່ສຳລັບຊາວຄຼິດພວກຂ້າພະເຈົ້າເທົ່ານັ້ນ ຫາກຍັງແມ່ນງານບຸນສາກົນ, ແຫ່ງຄວາມຮັກແພງ, ເພື່ອໃຫ້ທຸກຄົນລ້ວນແຕ່ໄດ້ຮັບຄວາມຜາສຸກ ໄດ້ດຳລົງຊີວິດໃນເງື່ອນໄຂເສດຖະກິດ, ສັງຄົມ, ການສຶກສານັບມື້ນັບພັດທະນາ.”
ໃນຂະນະນັ້ນ, ງານບຸນຄຼິດສມາດປີນີ້, 27 ເຂດຊາວຄຼິດຢູ່ ດ່ານັ້ງ ໄດ້ມອບຂອງຂວັນນັບພັນພູດໃຫ້ແກ່ປະຊາຊົນທີ່ປະສົບກັບຄວາມຫຍຸ້ງຍາກ, ຜູ້ເຖົ້າຢູ່ໂດດດຽວ, ເດັກນ້ອຍປະສົບກັບຄວາມຫຍຸ້ງຍາກ. ຢູ່ນະຄອນ ໂຮ່ຈີມິນ, ໄຕງວຽນ... ການເຄື່ອນໄຫວຕ້ອນຮັບງານບຸນຄຼິດສມາດກໍ່ໄດ້ຮັບການຈັດຕັ້ງຢ່າງເບີກບານມ່ວນຊື່ນ.