ງານບຸນຊຸດເສື້ອຍາວໄດ້ສ້າງຄວາມປະທັບໃຈທີ່ດີໃຫ້ແຂກທ່ອງທ່ຽວ
ການສະແດງໃນງານບຸນ
(vovworld) – ພາຍຫຼັງ 2 ວັນດຳເນີນການເຄື່ອນໄຫວຢ່າງຟົດຟື້ນ, ຕອນຄຳ່ວັນທີ 9/3, ງານບຸນ “ຊຸດເສື້ອຍາວ ແລະ ດອກໄມ້” ຄັ້ງທີ່ 1 ສິ້ນສຸດລົງຢູ່ສວນສາທາລະນະ ເດີ່ມແຊນ, ນະຄອນ ໂຮ່ຈີມິນ ແລະ ດຶງດູດປະຊາຊົນເຂົ້າຮ່ວມເປັນຈຳນວນຫຼວງຫຼາຍ, ໂດຍຖືກຈັດຂຶ້ນເປັນຄັ້ງທຳອິດຢູ່ ນະຄອນ ໂຮ່ຈີມິນ, ງານບຸນໄດ້ວາງສະແດງ, ແນະນຳບັນດາຜະລິດຕະພັນ ຊຸດເສື້ອຍາວ ແລະ ຈັດຕັ້ງການເຄື່ອນໄຫວວັດທະນະທຳສີລະປະຕ່າງໆ. ງານບຸນ “ຊຸດເສື້ອຍາວ ແລະ ດອກໄມ້” ຄັ້ງນີ້ ມີການເຂົ້າຮ່ວມຂອງ 40 ຫົວໜ່ວຍ, ວິສາຫະກິດ, ບັນດານັກອອກແບບ - ສິລະປະການຕັດຫຍິບເສື້ອຍາວ, ເຄື່ອງໝາຍການຄ້າຊຸດເສື້ອຍາວທີ່ມີມາເປັນເວລາຫຼາຍປີຢູ່ນະຄອນ ໂຮ່ຈີມິນ. ຄະນະຈັດຕັ້ງໃຫ້ຮູ້ວ່າ, ມີປະນາມ 5.000 ຄົນນຸ່ງຊຸດເສື້ອຍາວມາເຂົ້າຮ່ວມງານບຸນໃນເວລາ 2 ວັນ. ງານບຸນ “ຊຸດເສື້ອຍາວ ແລະ ດອກໄມ້” ຄັ້ງທີ 1 ໄດ້ຮັບການຈັດຕັ້ງເພື່ອແນໃສ່ເຊີດຊູຄຸນຄ່າສີສັນວັດທະນະທຳທີ່ເປັນມູນເສື້ອຂອງຊາວ ຫວຽດນາມ, ເຊີດຊູຄວາມງາມຂອງຊຸດເສື້ອຍາວ - ເຊິ່ງແມ່ນຊຸດເສື້ອປະຈຳຊາດຂອງຊາວ ຫວຽດນາມ.