ເຂດທ່ອງທ່ຽວຈ່າງອານ-ບາຍດິງ
(ພາບ: Thanh Hà - TTXVN)
(vovworld)- ຕອນເຊົ້າວັນທີ 5/2, ກົງກັບວັນທີ 6 ເດືອນຈຽງໄລ່ຕາມຈັນທະປະຕິທິນຫວຽດນາມ ໄດ້ໄຂງານບຸນວັດບາຍດິງ ຢູ່ແຂວງນິງບິງ. ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຕີກອງໄຂງານບຸນ ແລະ ພ້ອມກັບ ປຊຊ, ແຂກທ່ອງທ່ຽວເຂົ້າຮ່ວມພີທີປ່ອຍນົກ, ພາວະນາຂໍໃຫ້ປະເທດຊາດຮັ່ງມີເຂັ້ມແຂງ, ປຊຊ ຢູ່ເຢັນເປັນສຸກ. ງານບຸນວັດບາຍດິງ ປີນີ້ຈະແກ່ຍາວຮອດທ້າຍເດືອນ 3 ໄລ່ຕາມຈັນທະປະຕິທິນຫວຽດນາມ. ໃນຊຸມວັນຈັດງານບຸນ, ນອກຈາກການໄປຢ້ຽມຊົມທິວທັດທຳມະຊາດຢູ່ວັດບາຍດິງ ແລະ ເຂດທັດສະນີຍະພາບຈ່າງອານ, ແຂກທ່ອງທ່ຽວມາຈາກທຸກສາລະທິດຍັງຈະໄດ້ຮັບຊົມບັນດາລາຍການສະແດງຕີກອງ, ສະແດງຂັບແຈ່ວບູຮານ, ບັນດາລາຍການວັດທະນະທຳ, ສິລະປະພື້ນເມືອງພິເສດເປັນເອກກະລັກສະເພາະຂອງທ້ອງຖິ່ນຕ່າງໆ….
ໃນວັນດຽວກັນ, ຢູ່ຮ່າໂນ້ຍ, ໄດ້ໄຂງານບຸນວັດເຮືອງ 2014, ງານບຸນວິຫານໂກ້ລວາ ແລະ ງານບຸນວິຫານຊອກ ທີ່ເມືອງຊອກເຊີນ-ຮ່າໂນ້ຍ. ທ່ານຫງວຽນນາມຍໍ, ຜູ້ອຳນວຍການຄະນະຄຸ້ມຄອງມໍລະດົກວິຫານຊອກ ໃຫ້ຮູ້ວ່າ:
“ສຳລັບຂັ້ນຕອນຈັດງານບຸນປີນີ້ມີຈຸດໃຫ່ມອຽມຫຼາຍຢ່າງຄື: ມີການຈັດຕັ້ງຕີກອງ, ສະແດງຂັບເພງພື້ນເມືອງ ພາຍຫລັງຂັນຕອນຈັດລວມມີພິທີຮ້ອງເພງພື້ນເມືອງ, ຟ້ອນສິງໂຕ ຊື່ງຈັດຂຶ້ນລະຫວ່າງບ້ານຕ່າງໆນຳກັນ. ປີນີ້, ປຊຊ ເປັນຜູ້ຈັດຕັ້ງ, ສະນັ້ນ, ການເຄື່ອນໄຫວດຳເນີນຖືກຕ້ອງຕາມຮີດຄອງປະເພນີ ແລະ ຈັດຕັ້ງຂຶ້ນໄວກ່ວາທຸກໆປີ“./.