ງານບຸນປື້ມຢູ່ຖະໜົນເກົ່າໂຮ້ຍອານ ດຳເນີນໄປ ຢ່າງຟົດຟື້ນ
ຈັດວາງປື້ມນັບຮ້ອຍຫົວເປັນຮູບວັດຂົວ
(ພາບ: tienphong.vn)
(vovworld) - ໂດຍຕອບສະໜອງວັນປື້ມຫວຽດນາມ, ໃນລະຫວ່າງວັນທີ 20 – 23/04, ຢູ່ນະຄອນໂຮ້ຍອານ, ແຂວງ ກວາງນາມ ໄດ້ຈັດວັນບຸນປື້ມນະຄອນ ດ້ວຍການເຄື່ອນໄຫວທີ່ມີປະໂຫຍດຫຼາຍຢ່າງ. ງານບຸນປື້ມໄດ້ຈັດຂຶ້ນໃນບໍລິເວນຫໍພິພິດຕະພັນນະຄອນໂຮ້ຍອານ ດ້ວຍຮູບການວາງສະແດງປື້ມທີ່ສ້າງຄວາມປະທັບໃຈໃຫ້ແກ່ຜູ້ອ່ານ. ບັນດາຈິດຕະກອນໄດ້ຈັດວາງປື້ມນັບຮ້ອຍຫົວເປັນຮູບສຸສານປະທານໂຮ່ຈິມິນ; 60 ປີແຫ່ງໄຊຊະນະດ້ຽນບຽນຝູ ຫຼື ຮູບວັດຂົວ, ເຊິ່ງເປັນສັນຍາລັັກຂອງວັດທະນະທຳໂຮ້ຍອານ. ທ່ານ ຫງວຽນວັນແລງ, ຫົວໜ້າຄະນະຈັດຕັ້ງວັນບຸນປື້ມໂຮ້ຍອານ ແຂວງກວາງນາມ ໃຫ້ຮູ້ວ່າ.
“ຈຸດໝາຍໃຫຍ່ສຸດຂອງພວກຂ້າພະເຈົ້າແມ່ນ ສົ່ງເສີມຂະບວນການອ່ານປື້ມ, ຈາກນັ້ນຈະພັດທະນາວັດທະນະທຳການອ່ານຢູ່ໂຮ້ຍອານ, ພ້ອມທັງເສີມຂະຫຍາຍມູນເຊື້ອນິຍົມປື້ມຂອງຊາວໂຮ້ຍອານ. ພວກຂ້າພະເຈົ້າເອົາໃຈໃສ່ເປັນພິເສດເຖິງພວກນ້ອງເຍົາວະຊົນ, ນັກຮຽນ, ເພື່ອສ້າງສະພາບແວດລ້ອມໃຫ້ພວກນ້ອງທີ່ສະໜິດສະໜົມກັບປື້ມກວ່າ”.