ພາບປະກອບ
|
(vovworld) – ວັນທີ 18/2, ທີ່ຮ່າໂນ້ຍ, ໄດ້ຈັດຕັ້ງງານບຸນລະດູບານໃໝ່ແດງຄັ້ງທີ 10 - ປີ 2017. ນີ້ແມ່ນເຫດການທີ່ເປັນຂີດໝາຍ 10 ປີແຫ່ງວັນງານບຸນໄດ້ຮັບການຈັດຕັ້ງຢູ່ ຫວຽດນາມ. ປີ 2017, ດ້ວຍສານທີ່ວ່າ “ບໍລິຈາກເລືອດ - ເພື່ອຊີວິດມະນຸດ”, ຄາດວ່າງານບຸນນີ້ດຶງດູດເກືອບ 30.000 ຄົນເຂົ້າຮ່ວມ, ຮັບເອົາເລືອດໄດ້ຢ່າງໜ້ອຍສຸດແມ່ນ 8.000 ຖົງເພື່ອຮັບໃຊ້ຄວາມຕ້ອງການພະຍາຍາມສຸກເສີນ ແລະ ການປິ່ນປົວພະຍາດຢູ່ໂຮງໝໍກ່ວາ 170 ແຫ່ງໃນເຂດພາກເໜືອ. ທີ່ພິທີ, ທ່ານຮອງລັດຖະມົນຕີກະຊວງສາທາລະນະສຸກ ຫງວຽນແທງລອງ ຫວັງວ່າ: ບັນດາແຂວງ, ນະຄອນ ສືບຕໍ່ຕອບສະໜອງ, ຈັດຕັ້ງງານບຸນລະດູບານໃໝ່ແດງຢູ່ທ້ອງຖິ່ນຂອງຕົນ, ຮຽກຮ້ອງປະຊາຊົນຕັ້ງໜ້າເຂົ້າຮ່ວມການບໍລິຈາກເລືອດຢູ່ທຸກຊ່ວງເວລາໃນປີເພື່ອບໍ່ໃຫ້ຄົນເຈັບຖືກຕົກເຂົ້າສູ່ອາການອັນຕະລາຍຍ້ອນຂາດເລືອດອີກ. ໂດຍເປັນຜູ້ເຂົ້າຮ່ວມການບໍລິຈາກເລືອດ, ເອື້ອຍ ຫງວຽນເຮືອງລານ, ເອື້ອຍຄູໂຮງຮຽນ ອະນຸບານຢູ່ຮ່າໂນ້ຍ, ໃຫ້ຮູ້ວ່າ:
“ນີ້ແມ່ນເທື່ອທີ 5 ທີ່ຂ້າພະເຈົ້າເຂົ້າຮ່ວມການບໍລິຈາກເລືອດອາສາສະໝັກ. ຂ້າພະເຈົ້າມີຄວາມພາກພູມໃຈຫຼາຍຍ້ອນ ໄດ້ເປັນສະມາຊິກຂອງທິມແຫ່ທວນໄຟ. ເມື່ອບໍລິຈາກເລືອດຂອງຕົນແມ່ນຊ່ວຍໃຫ້ບັນດາຄົນເຈັບປະສົບກັບຄວາມຫຍຸ້ງຍາກ, ຜູ້ຖືກອຸປະຕິເຫດຄົມມະນາຄົມທີ່ພວມຕ້ອງການເລືອດ. ຂ້າພະເຈົ້າຫວັງວ່າ ຈະມີຫຼາຍຄົນເຂົ້າຮ່ວມການບໍລິຈາກເລືອດກ່ວາອີກ.”