(ພາບ:baotintuc.vn)
(vovworld)-ວັນທີ 4/8, ຢູ່ເກາະມິດຕະພາບທີ່ນະຄອນ Postdam ປະເທດ ສ.ສະຫະພັນເຢຍລະມັນ, ໄດ້ດຳເນີນງານບຸນທີ່ມີຫົວເລື່ອງ “ຫວຽດນາມ-ປະເທດແຫ່ງໂຕມັງກອນ“ ຢ່າງຟົດຟື້ນມ່ວນຊື່ນທີ່ເຂັ້ມຂົ້ນໄປດ້ວຍສີສັນວັດທະນະທຳຫວຽດນາມ. ງານບຸນໄດ້ນຳມາເຊິ່ງບັນດາລາຍການຟ້ອນມັງກອນ ແລະ ວາດຟ້ອນ “ຫວຽດນາມ-ບ້ານເກີດເມືອງນອນຂອງຂ້ອຍ“ ໃຫ້ແກ່ເພື່ອນມິດທ້ອງຖິ່ນ ແລະ ສາກົນ. ນອກຈາກນັ້ນ, ຢູ່ງານບຸນກໍ່ຈັດບັນດາລາຍການສະແດງດົນຕີທີ່ອຸດົມສົມບູນຄື: ຂັບກວນຫໍ້, ຂັບແຈ່ວ, ສະແດງດົນຕີ, ຟ້ອນພື້ນເມືອງ, ຕີມວຍ…ໂດຍບັນດານັກສິລະປິນ, ນັກມວຍຂອງປະຊາຄົມຊາວຫວຽດນາມ ອາໄສຢູ່ເຢຍລະມັນເປັນຜູ້ສະແດງ. ທີ່ງານບຸນ, ຍັງມີງານຕະຫຼາດນັດດ້ວຍຮ້ານວາງສະແດງບັນດາຜະລິດຕະພັນເຄື່ອງຫັດຖະກຳສິລະປະ, ເຄື່ອງອະນຸສອນພິເສດສະເພາະຂອງຫວຽດນາມ ລວມ 6 ຮ້ານ. ບັນດາຜູ້ເຂົ້າຮ່ວມຍັງສາມາດຮັບປະທານອາຫານຂອງຫວຽດນາມ ອີກດ້ວຍ.