ງານບຸນເສື້ອຍາວນະຄອນໂຮ່ຈີມິນດຶງດູດແຂກທ່ອງທ່ຽວເປັນຈຳນວນຫລວງຫລາຍ
(ພາບປະກອບ)
(vovworld) - ພາຍຫລັງດຳເນີນມາເປັນເວລາກ່ວາ 2 ສັບປະດາ ດ້ວຍການເຄື່ອນໄຫວຟົດຟື້ນຫລາຍຢ່າງຢູ່ສະຖານທີ່ຕ່າງໆໃນບໍລິເວນນະຄອນ, ຕອນຄ່ຳວັນທີ 20/03, ງານບຸນເສື້ອຍາວນະຄອນ ໂຮ່ຈີມິນ ຄັ້ງທີ 3 ປີ 2016 ດ້ວຍຫົວຂໍ້ວ່າ “ນະຄອນແຫ່ງ ໂຮ່ຈີມິນ - ນະຄອນເສື້ອຍາວ” ໄດ້ອັດລົງ. ງານບຸນໄດ້ດຶງດູດຄວາມສົນໃຈຈາກປະຊາຊົນນະຄອນກໍ່ຄືແຂກທ່ອງທ່ຽວສາກົນເປັນຈຳນວນຫລວງລາຍ. ໜຶ່ງໃນບັນດາການເຄື່ອນໄຫວທີ່ພົ້ນເດັ່ນຂອງງານບຸນແມ່ນ “ຂະບວນຖີບລົດຢູ່ນະຄອນທີ່ຂ້ອຍຮັກ” ດ້ວຍຫົວຂໍ້ “ເສື້ອຍາວ ຫວຽດນາມ - ການທ່ອງທ່ຽວ ຫວຽດນາມ” ທີ່ດຳເນີນໃນຕອນເຊົ້າວັນທີ 20/03. ລາຍການດັ່ງກ່າວ, ມີນັກສຶກສາກ່ວາ 200 ຄົນ ນຸ່ງເສື້ອຍາວຂີ່ລົດຖີບເລີ່ມຈາກຫໍວັດທະນະທຳນັກສຶກສານະຄອນໄປຜ່ານບັນດາສະຖານທີ່ທ່ອງທ່ຽວທີ່ເປັນເອກະລັກສະເພາະ, ສະຖານທີ່ປະຫວັດສາດ, ວັດທະນະທຳຂອງນະຄອນເປັນລຳດັບ. ລາຍການປະກອບສ່ວນໂຄສະນາບັນດາຮູບພາບທີ່ສວຍງາມຂອງນະຄອນ, ພ້ອມທັງໂຄສະນາເຜີຍແຜ່, ຂົນຂວາຍ ປະຊາຊົນ “ຮ່ວມແຮງຮ່ວມໃຈເພື່ອຮັກສາສະພາບແວດລ້ອມແຫ່ງການທ່ອງທ່ຽວ”. ຈຸດທີ່ເປັນເອກະລັກສະເພາະຂອງງານບຸນເສື້ອຍາວປີນີ້ ແມ່ນການເສັງປະກອບດອກໄມ້ໃນເສື້ອຍາວ ອັນໄດ້ດຶງດູດການເຂົ້າຮ່ວມຂອງນັກອອກແບບດອກໄມ້ ຫວຽດນາມ ແລະ ບາງປະເທດໃນໂລກກ່ວາ 20 ຄົນ.