ງານບຸນໜັງສືພິມລະດູບານໃໝ່ຫວຽດນາມປີ2015ຢູ່ລາວ
ມີ້ບີ່ງ,ນັກຂ່າວVOVປະຈຳລາວ -
ພິທີໄຂງານບຸນ
|
(vovworld) – ງານບຸນໜັງສືພິມລະດູບານໃໝ່ຫວຽດນາມປີ 2015 ໄດ້ໄຂຂຶ້ນໃນຕອນບ່າຍວັນທີ 10/4, ຢູ່ນະຄອນຫຼວງ ວຽງຈັນ. ເຂົ້າຮ່ວມງານບຸນມີທ່ານ ບໍເສງຄຳ ວົງດາລາ, ລັດຖະມົນຕີວ່າການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ, ທ່ານ ເຈືອງມິງຕ໋ວນ, ລັດຖະມົນຕີຊ່ວຍວ່າການກະຊວງຖະແຫຼງຂ່າວ ແລະ ສື່ສານ ຫວຽດນາມ, ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນແມ້ງຮູ່ງ ພ້ອມກັບນັກຂ່າວ ຫວຽດນາມ ແລະ ລາວ ເປັນຈຳນວນຫຼວງຫຼາຍ. ງານບຸນໜັງສືພິມລະດູບານໃໝ່ປີນີ້ມີສິ່ງພິມນັບພັນຫົວທີ່ໄດ້ພິມຈຳໜ່າຍໃນໂອກາດລະດູບານໃໝ່ ແລະ ບຸນປີໃໝ່ປະຈຳຊາດປີມະແມ 2015 ຂອງ ຫວຽດນາມ. ທ່ານ ຟ້າມວັນຮູ່ງ, ຮອງປະທານສະມາຄົມຊາວ ຫວຽດນາມ ອາໄສຢູ່ນະຄອນຫຼວງ ວຽງຈັນ, ໃຫ້ຮູ້ວ່າ:
“ງານບຸນໜັງສືພິມລະດູບານໃໝ່ຊ່ວຍໃຫ້ພໍ່ແມ່ປະຊາຊົນມີຄວາມຮູ້ກ່ຽວກັບແຫຼ່ງຂ່າວຢູ່ພາຍໃນປະເທດຫຼາຍກ່ວາ. ເມື່ອເຂົ້າຮ່ວມງານບຸນນີ້, ພໍ່ແມ່ປະຊາຊົນອາດຈະໄດ້ຮັບຊົມ, ອ່ານສິ່ງພິມຫຼາຍຢ່າງ. ດັ່ງນັ້ນ ມັນມີຄວາມໝາຍທີ່ດີ, ປະກອບສ່ວນເຮັດໃຫ້ພໍ່ແມ່ປະຊາຊົນມີຈິດໃຈອ່ວາຍໜ້າເມືອຫາປະເທດຊາດ, ກົກເຂົ້າເຫງົ້າກໍ່. ພໍ່ແມ່ປະຊາຊົນມີຄວາມປິຕິຊົມຊື່ນທີ່ສຸດ.”
ມີ້ບີ່ງ,ນັກຂ່າວVOVປະຈຳລາວ