(vovworld) - ງານບຸນໝາກອະງຸ່ນ ແລະ ເຫຼົ້າແວງສາກົນ - ນິງທ້ວນ 2014 ໄດ້ດຳເນີນແຕ່ວັນທີ 14 – 19/7 ຢູ່ນະຄອນ ຟານຣາງ - ທາບຈາມ ດ້ວຍການເຂົ້າຮ່ວມຂອງບາງນັກຄົ້ນຄ້ວາພ້ອມດ້ວຍບັນດາວິສາຫະກິດ ຜະລິດປຸ່ງແຕ່ງໝາກອະງຸ່ນທັງພາຍໃນ ແລະ ຕ່າງປະເທດ. ທີ່ການປະຊຸມຂ່າວໃນວັນທີ 7/7 ຢູ່ນະຄອນ ຟານຣາງ - ທາບຈາມ , ການນຳແຂວງ ນິງທ້ວນໃຫ້ຮູ້ວ່າ: ງານບຸນໝາກອະງຸ່ນ ແລະ ເຫຼົ້າແວງສາກົນແມ່ນເຫດການວັດທະນະທຳ, ເສດຖະກິດ, ສັງຄົມຂອງແຂວງເພື່ອແນໃສ່ເຊີດຊູຄຸນຄ່າຂອງຕົ້ນອະງຸ່ນ, ເຊິ່ງແມ່ນອາຫານທີ່ເປັນເອກະລັກສະເພາະຂອງແຂວງ. ນີ້ກໍ່ແມ່ນໂອກາດສືບຕໍ່ແນະນຳຄວາມສາມາດບົ່ມຊ້ອນທາງດ້ານເສດຖະກິດ, ໂຄສະນາການທ່ອງທ່ຽວສົ່ງເສີມການລົງທຶນເຂົ້າແຂວງ ນິງທ້ວນ. ໃນຂອບເຂດງານບຸນ ໄດ້ຈັດກອງປະຊຸມສຳມະນາ 2 ຄັ້ງ ດ້ວຍຫົວເລື່ອງ “ການກຳນົດທິດພັດທະນາຕົ້ນໝາກອະງຸ່ນ ແລະ ເຫຼົ້າແວງ ນິງທ້ວນ” ແລະ “ພັດທະນາການທ່ອງທ່ຽວເຂດແຄມທະເລພາກກາງຕິດພັນກັບເຂດໄຕຫງວຽນ”.