ງານພົບປະມິດຕະພາບລະຫວ່າງຄະນະກຳມະການກວດກາສູນກາງພັກຫວຽດນາມ - ລາວ
(vovworld) ນັບແຕ່ວັນທີ 28/6-01/7, ຢູ່ແຂວງເງ້ອານ ໄດ້ຈັດຕັ້ງງານພົບປະເຈລະຈາ ແລະ ແລກປ່ຽນລະຫວ່າງຄະນະກຳມະການກວດກາສູນກາງພັກກອມມູນິດຫວຽດນາມ ແລະ ຄະນະກຳມະການກວດການສູນກາງພັກປະຊາຊົນ ປະຕິວັດລາວ ດ້ວຍຫົວຂໍ້ວ່າ ”ຄວາມມິດຕະພາບຫວຽດນາມ - ລາວ”. ເນື້ອໃນຕົ້ນຕໍ່ໃນການສຳມະນາລະຫວ່າງສອງຝ່າຍແມ່ນສຸມໃສ່ບັນດາບັນຫາຄື: ບົດຮຽນພຶດຕິກຳຕົວຈິງກ່ຽວກັບວຽກງານຕິດຕາມກວດກາຂອງບັນດາຄະນະພັກ ແລະ ຂອງຄະນະກຳມະການກວດກາພັກ ທີ່ມີຕໍ່ບັນດາອົງການຈັດຕັ້ງພັກ, ສະມາຊິກພັກຕາມການແບ່ງຂັ້ນຄຸ້ມຄອງ, ແກ້ໄຂບັນດາບັນຫາຜ່ານການຕິດຕາມກວດກາ, ບົດຮຽນຕົວຈິງໃນການຕ້ານສໍ້ລາດບັງຫຼວງ… ການພົບປະເຈລະຈາແມ່ນປະກົດການທີ່ມີຊີວິດຊີວາຂອງສາຍພົວພັນສາມັກຄີແບບພິເສດຫວຽດນາມ - ລາວ, ເຊິ່ງຖືກຈັດຂຶ້ນກົງກັບໂອກກາດສອງປະເທດພວມຜັນຂະຫຍາຍການເຄື່ອນໄຫວອັນແທດຈິງຕ່າງໆ ເພື່ອສະເຫຼີມສະຫຼອງ 50 ປີ ແຫ່ງວັນສ້າງຕັ້ງສາຍພົວພັນທາງການທູດ, 35 ປີ ແຫ່ງວັນເຊັນສົນທິສັນຍາມິດຕະພາບ ແລະ ຮ່ວມມືລະຫວ່າງສອງປະເທດ