ງານພົບປະສ້າງສັນບັນດາການນຳ,ອະດີິດການນຳບັນດາແຂວງເຂດທົ່ງພຽງແມ່ນ້ຳຂອງ
.jpg)
ທ່ານຮອງນາຍົກລັດຖະມົນຕີ ເວືອງດິ່ງເຫ້ວ
ກ່າວຄຳເຫັນທີ່ງານພົບປະສ້າງສັນ
(ພາບ: VGP)
(vovworld) - ຕອນບ່າຍວັນທີ 21/08, ຢູ່ນະຄອນເກີນເທີ, ຄະນະຊີ້ນຳເຂດຕາເວັນຕົກພາກໃຕ້ ໄດ້ຈັດງານພົບປະສ້າງສັນບັນດາການນຳ, ອະດີດການນຳທີ່ມີການອຸທິດສ່ວນຫຼາຍຢ່າງໃຫ້ເຂດທົ່ງພຽງແມ່ນ້ຳຂອງ. ກ່າວຄຳເຫັນຢູ່ທີ່ນີ້, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ, ຫົວໜ້າຄະນະຊີ້ນຳເຂດຕາເວັນຕົກພາກໃຕ້ ປາດຖະໜາວ່າ, ດ້ວຍບົດຮຽນມາແຕ່ດົນນານໃນຫຼາຍປີ, ໃນຫຼາຍຂົງເຂດ, ບັນດາການນຳ, ອະດີດການນຳສືບຕໍ່ປະກອບຄຳເຫັນອັນລ້ຳຄ່າຂອງຕົນເຂົ້າໃນການກຳນົດທິດ, ຊີ້ນຳ, ສ້າງແຜນນະໂຍບາຍ, ມາດຕະການແກ້ໄຂເພື່ອພັດທະນາເຂດທົ່ງພຽງແມ່ນ້ຳຂອງໃຫ້ແຮງກວ່າອີກ. ບັນດາຜູ້ແທນເຄີຍດຳລົງຕຳແໜ່ງເປັນການນຳຂອງຄະນະຊີ້ນຳເຂດຕາເວັນຕົກພາກໃຕ້ ປະກອບຄຳເຫັນຫຼາຍຢ່າງ, ສະເໜີບັນດາເນື້ອໃນສຳຄັນແນໃສ່ຊ່ວຍປະກອບສ່ວນນຳເຂດຕາເວັນຕົກພາກໃຕ້ໃຫ້ພັດທະນາຢ່າງໄວ້ກວ່າ, ໝັ້ນຄົງເຂັ້ມແຂງກວ່າ ກໍຄືການເຄື່ອນໄຫວຂອງຄະນະຊີ້ນຳເຂດຕາເວັນຕົກພາກໃຕ້ ຈະນັບມື້ນັບມີປະສິດທິຜົນກວ່າໃນໄລຍະຈະມາເຖິງ. ບັນດາຜູ້ແທນໄດ້ສະເໜີໃຫ້ບັນດາກະຊວງ, ຂະແໜງການສູນກາງ, ລັດຖະບານຄວນສືບຕໍ່ລົງທຶນສ້າງລະບົບຄົມມະນາຄົມ, ຊົນລະປະທານໃຫ້ສຳເລັດ; ເອົາໃຈໃສ່ເຖິງການລົງທຶນພັດທະນາແຫຼ່ງຊັບພະຍາກອນມະນຸດ; ເອົາໃຈໃສ່ ແລະ ຜັນຂະໜາຍບັນດານະໂຍບາຍສຳລັບປະຊາຊົນຊົນເຜົ່າສ່ວນໜ້ອຍໃຫ້ຫຼາຍກວ່າ ແລະ ຄົບຊຸດກວ່າ.