(vovworld) - ຕອນຄໍ່າວັນທີ 23/07, ຢູ່ຮ່າໂນ້ຍ, ສູນວິທະຍາສາດ ແລະ ວັດທະນະທຳລັດເຊຍ ໄດ້ສົມທົບກັບຫໍເຍົາວະຊົນຮ່າໂນ້ຍ ຈັດງານພົບປະກັບນັກອະວະກາດລັດເຊຍ Sergei Krikaliov, ຜູ້ມີເວລາຢູ່ໂລກຈັກກະວານໃນລະດັບສະຖິຕິ. ນີ້ແທ່ນໜຶ່ງໃນບັນດາການເຄື່ອນໄຫວເພື່ອແນໃສ່ເພີ່ມທະວີ ແລະ ເປີດກວ້າງບັນດາການເຄື່ອນໄຫວພົບປະແລກປ່ຽນວັດທະນະທຳສາກົນ ທີ່ສະຫງວນໃຫ້ເດັກເຍົາວະຊົນນະຄອນຫຼວງ, ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ - ສະຫະພັນລັດເຊຍ, 35 ປີແຫ່ງວັນປະຕິບັດຖ້ຽວບິນເຂົ້າໂລກຈັກກະວານຫວຽດນາມ - ລັດເຊຍ (23/07/1980 – 23/07/2015). ທີ່ງານພົບປະແລກປ່ຽນ, ນັກອະວະກາດ Sergei Krikaliov ໄດ້ເລົ່າກ່ຽວກັບບັນດາວຽກງານປະຈຳວັນຢູ່ສະຖານີຈັກກະວານ ກໍຄືແບ່ງປັນຄວາມຫຍຸ້ງຍາກເມື່ອດຳລົງຊີວິດຢູ່ສະຖານີຈັກກະວານ.