ພາບຂອງຈິດຕະກອນຫວຽດນາມ ດາວກວກຮູຍ
|
(vovworld)- ງານວາງສະແດງ, ພົບປະແລກປ່ຽນກຸ່ມຈິດຕະກອນຫວຽດນາມ-ມາເລເຊຍ-ໄທ ໄຂຂຶ້ນໃນຕອນບ່າຍວັນທີ 26/12 ຢູ່ ຮ່າໂນ້ຍ. ງານວາງສະແດງໂດຍສູນວາງສະແດງວິຈິດສິນ, ຖ່າຍຮູບ - ກົມວິຈິດສິນ, ຖ່າຍຮູບ ແລະ ວາງສະແດງ ຈັດຕັ້ງຂຶ້ນ ແມ່ນນອນໃນຂອບເຂດການເຄື່ອນໄຫວພົວພັນແລກປ່ຽນດ້ານວິຈິດສິນບັນດາປະເທດໃນພາກພື້ນ ອາຊຽນ, ມຸ່ງໄປເຖິງການເຄື່ອນໄຫວປະຈຳປີໃຫ້ຊຸມປີຕໍ່ໄປ. ເປັນຄັ້ງທຳອິດໄດ້ຮັບການຈັດຕັ້ງຂຶ້ນ, ງານວາງສະແດງແມ່ນຫນຶ່ງໃນບັນດາການເຄື່ອນໄຫວຂອງຂະແຫນງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຕອບສະຫນອງວັນປະຊາຄົມ ອາຊຽນ 31/12/2015. ເຂົ້າຮ່ວມເຫດການຄັ້ງນີ້, ຈິດຕະກອນ ສາມປະເທດ ຫວຽດນາມ, ມາເລຊຍ ແລະ ໄທ ມີໂອກາດໄດ້ພົບປະແລກປ່ຽນດ້ານວິຈິດສິນເຊິ່ງກັນ ແລະກັນ. ນີ້ກໍແມ່ນໂອກາດເພື່ອໃຫ້ບັນດາຈິດຕະກອນມາຈາກສອງປະເທດ ໄທ ແລະ ມາເລເຊຍ ຊອກຮູ້, ເຫັນປະຈັກຕາຊີວິດການເປັນຢູ່, ວັດທະນະທຳ, ທິວທັດທຳມະຊາດ ແລະ ຊາວຫວຽດນາມ.