(vovworld) - ໃນຂອບເຂດປີສາມັກຄີມິດຕະພາບຫວຽດນາມ - ລາວ, ວັນທີ 20/10 ຢູ່ນະຄອນຫຼວງວຽງຈັນ, ໄດ້ດຳເນີນງານພົບປະແລກປ່ຽນລະຫວ່າງບັນດາອະດີດນັກສຶກສາລາວ ທີ່ເຄີຍຮໍ່າຮຽນຢູ່ຫວຽດນາມ ກັບບັນດາຄູອາຈານເກົ່າ. ງານພົບປະທີ່ເຂັ້ມຂົ້ນໄປດ້ວຍຄວາມຮັກແພງລະຫວ່າງຄູອາຈານ ແລະ ນັກຮຽນ, ພ້ອມທັງສະແດງໃຫ້ເຫັນຄວາມບໍລິສຸດຜຸດຜ່ອງລາວ - ຫວຽດນາມ. ບັນດາອະດີດນັກສຶກສາລາວໄດ້ແບ່ງປັນວ່າ, ເຖິງວ່າຊຸມເດືອນປີໄດ້ຜ່ານພົ້ນແລ້ວກໍ່ຕາມ ແຕ່ໃນດວງໃຈແຕ່ລະຄົນຍາມໃດກໍມຸ່ງໄປສູ່ບັນດາຄູອາຈານ ແລະ ປະເທດຫວຽດນາມ, ຜູ້ທີ່ໄດ້ສະຫງວນອາລົມຈິດ ແລະ ເງື່ອນໄຂດີທີ່ສຸດໃຫ້ອະດີດນັກຮຽນລາວ. ໃນໄລຍະຢູ່ຢ້ຽມຢາມລາວ, ບັນດາຄູອາຈານຫວຽດນາມ ໄດ້ໄປຢ້ຽມຢາມບັນດາທ້ອງຖິ່ນ, ບັນດາຟາມຂອງອະດີດນັກຮຽນລາວ ແລະ ເຂົ້າຮ່ວມລາຍຕ່າງໆໃນງານການພົບປະແລກປ່ຽນທີ່ເຕັມໄປດ້ວຍຄວາມປະທັບໃຈ.