ງານພົບປະແລກປ່ຽນສິລະປະ “ບົດເພງແຫ່ງ ຄວາມສຸກ” ໃນໂອກາດ ວັນສຸກສາກົນ
ພາບປະກອບ
(vovworld) – ກ່າວຄຳເຫັນທີ່ພິທີສະເຫຼີມສະຫຼອງວັນແຫ່ງຄວາມສຸກສາກົນ 20/3 ເຊິ່ງດຳເນີນໃນຕອນຄຳ່ວັນທີ 19/3, ຢູ່ນະຄອນໂຮ່ຈິມິນ, ທ່ານ ຮວິ່ນວິ້ງອ໋າຍ, ລັດຖະມົນຕີຊ່ວຍວ່າການກະຊວງວັດທະນາທຳ, ກິລາ ແລະ ທ່ອງທ່ຽວ, ແບ່ງປັນວ່າ: ວັນແຫ່ງຄວາມສຸກສາກົນ ຢູ່ ຫວຽດນາມ ປີນີ້ ແມ່ນໂອກາດເພື່ອສົ່ງສານກ່ຽວກັບຄວາມເຕົ້າໂຮມຂອງຊາດ. ບັນດາສະມາຊິກໃນແຕ່ລະຄອບຄົວຈົ່ງຮັກສາມູນເຊື້ອວັດທະນາທຳຂອງຊາດ ເພື່ອສ້າງຄວາມຜາສຸກໃຫ້ແຕ່ລະຄົນ, ຈາກນັ້ນຂະຫຍາຍເປັນຄວາມສຸກຂອງຄອບຄົວ, ປະຊາຄົມ ແລະ ທົ່ວສັງຄົມ.
ໃນລາຍການດັ່ງກ່າວ, ບັນດາຜູ້ແທນໄດ້ພົບປະແລກປ່ຽນກັບ 2 ຄອບຄົວທີ່ດີເດັ່ນ, ຕາງໜ້າໃຫ້ບັນດາຄອບຄົວວັດທະນະທຳໃນບໍລິເວນນະຄອນໂຮ່ຈີມິນ ໃນການສ້າງສາ, ປົກປັກຮັກສາປະເທດຊາດ, ຮັກສາຄວາມສຸກ, ປະກອບສ່ວນຢ່າງຕັ້ງໜ້າໃນການເບິ່ງແຍງບັນດາຄອບຄົວທີ່ທຸກຍາກ. ຄຽງຂ້າງງານພົບປະແລກປ່ຽນກັບບັນດາຄອບຄົວທີ່ດີເດັ່ນດັ່ງກ່າວ, ລາຍການຍັງມີການສະແດງສິລະປະ, ຂັບຮ້ອງບັນດາບົດເພງເຊີດຊູພໍ່ເຖົ້າແມ່ເຖົ້າ, ພໍ່ແມ່, ສັນຕິພາບຂອງຊາດ ແລະ ໂລກ.