ທ່ານ Jean Noel Poirier, ເອກອັກຄະລັດຖະທູດ ຝຮັ່ງ ປະຈຳ ຫວຽດນາມ ກ່າວຄຳເຫັນທີ່ງານມະໂຫລານ
(ພາບ: Quế Anh/Vietnam+)
|
(vovworld) – ງານມະໂຫລານ “Printemps en ville” (ລະດູບານໃໝ່ຢູ່ນະຄອນ) ຈັດຕັ້ງໃນຕອນຄຳ່ວັນທີ 5/3, ຢູ່ ຮ່າໂນ້ຍ. ນີ້ແມ່ນຄັ້ງທີ 3 ທີ່ສະມາຄົມອະດີດນັກສຶກສາ ຫວຽດນາມ ຢູ່ ຝຣັ່ງ (UAVF) ສົມທົບກັບສະຖານທູດ ຝຣັ່ງ ຈັດຕັ້ງເຫດການນີ້ ຢູ່ບໍລິເວນສະຖານທູດ ຝຣັ່ງ. ນີ້ກໍແມ່ນເຫດການປະຈຳປີໂດຍ UAVF ຈັດຕັ້ງເພື່ອແນໃສ່ສະເຫຼີມສະຫຼອງວັນໃຊ້ພາສາ ຝຣັ່ງ ສາກົນ (20/3). ໃນຄຳ່ຄືນດຳເນີນງານມະໂຫລານ, ບັນດາຜູ້ເຂົ້າຮ່ວມໄດ້ຮັບຊົມລາຍການສະແດງສິລະປະພິເສດດ້ວຍບັນດາບົດເພງ, ວາດຟ້ອນ ຂອງ ຫວຽດນາມ ແລະ ຝຣັ່ງ. ທ່ານ Jean Noel Poirier, ເອກອັກຄະລັດຖະທູດ ຝຮັ່ງ ປະຈຳ ຫວຽດນາມ ໄດ້ແບ່ງປັນວ່າ: ນີ້ແມ່ນໂອກາດເພື່ອໃຫ້ບັນດານັກສຶກສາ ຫວຽດນາມ ທີ່ເຄີຍຮຳ່ຮຽນຢູ່ ຝຣັ່ງ ພົບປະກັນ, ພ້ອມກັນຫວນຄືນອະນຸສອນຕ່າງໆຄາວຮຽນຢູ່ ຝຣັ່ງ. ປີ 2015, ສະຖານທູດ ຝຣັ່ງ ແລະ UAVF ໄດ້ພ້ອມກັນຮ່ວມມື, ລະດົມບັນດາບໍລິສັດ ຝຣັ່ງ ຢູ່ ຫວຽດນາມ ເວົ້າສະເພາະ ແລະ ບັນດາວິສາຫະກິດຢູ່ ຫວຽດນາມ ເວົ້າລວມ ຊ່ວຍເຫຼືອບັນດານັກສຶກສາ ຫວຽດນາມ ຢູ່ ຝຮັ່ງ ມີວຽກເຮັດງານທຳ ແລະ ພັດທະນາ. ທ່ານເອກອັກຄະລັດຖະທູດ ຝຣັ່ງ ຫວັງວ່າ: ການຮ່ວມມືນີ້ຈະໄດ້ຮັບການສືບຕໍ່ໃນອະນາຄົດ.