(vovworld) - ເພື່ອມຸ້ງໄປເຖິງການສະເຫຼີມສະຫຼອງ 40 ປີແຫ່ງວັນເຊັນສັນຍາປາຣີ (27/01/1973 – 27/01/2013), ວັນທີ 27/12, ສູນສຳເນົາເອກະສານແຫ່ງຊາດ 3 ໄດ້ໄຂງານວາງສະແດງ “ກອງປະຊຸມປາຣີ - ສຳເນົາເອກະສານສັງເກດໃນ 2 ແງ່ມູມ” ທ່ານ ວິຊວນເຫືອງ, ຫົວໜ້າສູນສຳເນົາເອກະສານແຫ່ງຊາດ 3 ໃຫ້ຮູ້ວ່າ.
“ເອກະສານຂອງຝ່າຍສາທາລະນະລັດປະຊາທິປະໄຕຫວຽດນາມ ໄດ້ຮັບການຄົ້ນຫາຈາກສູນສຳເນົາເອກະສານແຫ່ງຊາດ 3 ແລະ ກົມຂາເຂົ້າຂາອອກ ແລະ ສຳເນົາເອກະສານຫ້ອງວ່າການສູນກາງພັກ, ສ່ວນເອກະສານຂອງອຳນາດການປົກຄອງໄຊງ່ອນ ໄດ້ຮັບການຂຸດຄົ້ນຈາກສູນສຳເນົາເອກະສານແຫ່ງຊາດ 2, ເອກະສານກ່ຽວກັບລັດຖະບານອາເມລິກາ ໄດ້ຮັບການສະສົມຈາກກົມສຳເນົາເອກະສານແຫ່ງຊາດອາເມລິກາ ມີສຳເນົາເອກະສານຫຼາຍຢ່າງໄດ້ຮັບການເຜີຍແຜ່ເປັນຄັ້ງທຳອິດຄືເທບອັດສຽງກ່ຽວກັບກອງປະຊຸມປາຣີ, ການພົບປະທາງການ ແລະ ບໍ່ເປັນທາງການ 200 ຄັ້ງ ທີ່ຍັງບໍ່ທັນໄດ້ຮັບການເປີດເຜີຍ”.
ງານວາງສະແດງກອງປະຊຸມປາຣີ - ສຳເນົາເອກະສານສັງເກດໃນ 2 ແງ່ມູມ ໄດ້ປະກອບສ່ວນເສີມຂະຫຍາຍຄູນຄ່າ, ຍົກສູງປະສິດທິຜົນການນຳໃຊ້ເອກະສານທີ່ເກັບຮັກສາ ແລະ ວັດຖຸພັນຂອງປະຫວັດສາດ, ໄດ້ປະກອບສ່ວນບຳລຸງສ້າງ, ສຶກສາຈິດໃຈອົງອາດກ້າແກ່ນບໍ່ຍອມຈຳນົນ, ຮັກຫອມເອກະລາດເສລີພາບ, ຍ້ອງຍໍສັນລະເສີນມູນເຊື້ອວິລະຊົນຂອງຊາດຫວຽດນາມ.