ງານວາງສະແດງໄດ້ໄຂຂຶ້ນໃນຕອນເຊົ້າວັນທີ 5/8
(vovworld) – ຕອນເຊົ້າວັນທີ 5/8, ຢູ່ຮ່າໂນ້ຍ, ກະຊວງຖະແຫຼງຂ່າວ ແລະ ສື່ສານໄດ້ສົມທົບກັບບັນດາອົງການ, ກະຊວງ, ຂະແໜງການກ່ຽວຂ້ອງໄດ້ໄຂງານວາງສະແດງກ່ຽວກັບປະຊາຄົມອາຊຽນ. ນີ້ແມ່ນການເຄື່ອນໄຫວໃນສັບປະດາອາຊຽນ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງປະຊາຄົມ ອາຊຽນ ແລະ ມຸ່ງໄປເຖິງການສະເຫຼີມສະຫຼອງ 50 ປີແຫ່ງວັນສ້າງຕັ້ງ ອາຊຽນ (2017).
ກ່າວຄຳເຫັນທີ່ງານວາງສະແດງ, ທ່ານ ເຈືອງມິງຕ໋ວນ, ລັດຖະມົນຕີກະຊວງຖະແຫຼງຂ່າວ ແລະ ສື່ສານ ໃຫ້ຮູ້ວ່າ: ງານວາງສະແດງເພື່ອແນໃສ່ປະກອບສ່ວນເພີ່ມທະວີຄວາມເຂົ້າອົກເຂົ້າໃຈ, ຄວາມສາມັກຄີ, ຜູກພັນລະຫວ່າງບັນດາປະເທດ ອາຊຽນ, ສ້າງເງື່ອນໄຂເພື່ອໃຫ້ບັນດາເຜົ່ານັບມື້ນັບຫຍັບມໍ່ເຂົ້າກັນເພື່ອພື້ນຖານວັດທະນະທຳ ອາຊຽນ ດ້ວຍຫຼາຍສີສັນ, ຫຼາຍຮູບຫຼາຍແບບເປັນເອກະພາບ, ມຸ່ງໄປເຖິງປະຊາຄົມສັນຕິພາບ, ສະຖຽນລະພາບ ແລະ ຮ່ວມມື:
“ຜ່ານບັນດາຮູບຖ່າຍ, ຮູບເງົາເອກະສານ ແລະ ອື່ນໆ, ພວກຂ້າພະເຈົ້າຈະມີຄວາມເຂົ້າໃຈກ່ວາກ່ຽວກັບຄວາມງາມ, ປະເທດຊາດ, ປະຊາຊົນບັນດາປະເທດ ອາຊຽນ, ວັດທະນະທຳທີ່ເປັນມູນເຊື້ອຂອງບັນດາປະເທດ, ປົກປັກຮັກສາສິ່ງແວດລ້ອມ ແລະ ການປ່ຽນແປງຂອງດິນຟ້າອາກາດໃນພາກພື້ນ. ພິເສດ, ມີຄວາມເຂົ້າໃຈແຈ້ງກ່ວາກ່ຽວກັບປະຊາຄົມ ອາຊຽນ ດ້ວຍ 3 ເສົາຄ້ຳ, ປະຊາຄົມຄວາມໝັ້ນຄົງການເມືອງ, ປະຊາຄົມເສດຖະກິດ ແລະ ປະຊາຄົມວັດທະນະທຳສັງຄົມ. ຜ່ານນັ້ນ, ເພີ່ມທະວີຄວາມສາມັກຄີ, ສະໜິດຕິດພັນລະຫວ່າງບັນດາປະຊາຊາດ ແລະ ສ້າງເງື່ອນໄຂເພື່ອໃຫ້ບັນດາປະຊາຊາດນັບມື້ນັບຫຍັບມໍ່ເຂົ້າກັນກ່ວາເພື່ອພື້ນຖານວັດທະນະທຳຂອງ ອາຊຽນເຕັມໄປດ້ວຍສີສັນ, ຫຼາຍຮູບຫຼາຍແບບໃນທ່າມກາງຄວາມເປັນເອກະພາບ”