ງານວາງສະແດງ“ຄວາມຊົງຈຳກ່ຽວກັບສົງຄາມ”ດ້ວຍບັນດາພາບຖ່າຍ,ວັດຖຸພັນອັນລ້ຳຄ່າ
ງານວາງສະແດງຄວາມຊົງຈຳກ່ຽວກັບສົງຄາມ
(ພາບ: TTXVN)
(vovworld) - ມີພາບຖ່າຍ, ເອກະສານ, ວັດຖຸພັນທີ່ດີເດັ່ນມີຄຸນຄ່າກວ່າ 400 ຢ່າງ ໄດ້ນຳມາວາງສະແດງຢູ່ງານວາງສະແດງ “ຄວາມຊົງຈຳກ່ຽວກັບສົງຄາມ” ຖືກໄຂຂຶ້ນໃນຕອນບ່າຍວັນທີ 26/04, ຢູ່ຫໍພິພິທະພັນປະຫວັດສາດການທະຫານຫວຽດນາມ ຢູ່ຮ່າໂນ້ຍ. ພົນຈັດຕະວາ ຫງວຽນຊວນນັງ, ຫົວໜ້າຫໍພິພິທະພັນປະຫວັດສາດການທະຫານຫວຽດນາມ ໃຫ້ຮູ້ວ່າ.
“ເນື່ອງໃນໂອກາດສະເຫຼີມສະຫຼອງ 41 ປີແຫ່ງວັນປົດປ່ອຍພາກໃຕ້, ໂຮມປະເທດຊາດເປັນເອກະພາບ, ຂ້າພະເຈົ້າຢາກມີຮູບພາບກ່ຽວກັບການຕໍ່ສູ້ຕ້ານອາເມລິກາ ກູ້ຊາດ ແລະ ການປະກອບສ່ວນ, ເສຍສະຫຼະຊີວິດຂອງປະຊາຊົນເຮົາເພື່ອຍາດໄດ້ໄຊຊະນະຢ່າງສົມບູນ. ແລະ ຂໍ້ມູນຂ່າວຂອງພວກເຮົາຢາກຝາກຝັງເຖິງມະຫາຊົນແມ່ນ ພວກເຮົາຕ້ອງໄດ້ເສຍສະຫຼະເລືອດເນື້ອເພື່ອນຳມາເຊິ່ງຊີວິດສັນຕິພາບຄືໃນປະຈຸບັນ, ດັ່ງນັ້ນ, ພວກເຮົາຕ້ອງເຮັດຫຍັງເພື່ອສ້າງສາປະເທດຊາດ ແລະ ການດຳລົງຊີວິດໂດຍສັນຕິພາບ, ບໍ່ພຽງແຕ່ຢູ່ຫວຽດນາມ ເທົ່ານັ້ນ, ຫາກຍັງຢູ່ທົ່ວໂລກອີດ້ວຍ”.