ພິທີໄຂງານວາງສະແດງ
ພາບ: My Binh
|
(vovworld) – ຕອນເຊົ້າວັນທີ 20/5, ຢູ່ນະຄອນຫຼວງ ວຽງຈັນ, ກະຊວງສຶກສາ ແລະ ກໍ່ສ້າງ ຫວຽດນາມ ໄດ້ສົມທົບກັບກະຊວງສຶກສາ ແລະ ກິລາ ລາວ ຈັດຕັ້ງ “ງານວາງສະແດງດ້ານການສຶກສາມະຫາວິທະຍາໄລ ຫວຽດນາມ ຄັ້ງທຳອິດຢູ່ລາວ”. ນີ້ແມ່ນໜຶ່ງໃນບັນດາການເຄື່ອນໄຫວນອນໃນຍຸດທະສາດເຊື່ອມໂຍງເຂົ້າກັບສາກົນກ່ຽວກັບດ້ານການສຶກສາຂອງ ຫວຽດນາມ. ເຂົ້າຮ່ວມງານວາງສະແດງນີ້, ມີມະຫາວິທະຍາໄລ, ວິທະຍາໄລ, ກຽມມະຫາວິທະຍາໄລ, ໂຮງຮຽນສອນພາສາ ຫວຽດ 37 ແຫ່ງ. ນະທີ່ນີ້, ບັນດາໂຮງຮຽນໄດ້ແນະນຳກ່ຽວກັບໂຄງການບຳລຸງສ້າງ, ພື້ນຖານດ້ານວັດຖຸ, ກາລະໂອກາດຮຳ່ຮຽນ, ບັນດາໂຄງການທຶນການສຶກສາ. ກ່າວຄຳເຫັນໄຂງານວາງສະແດງ, ທ່ານ ກອງສີ ແສງມະນີ, ຮອງລັດຖະມົນຕີກະຊວງສຶກສາ ແລະ ກິລາ ລາວ ເນັ້ນໜັກວ່າ: ນີ້ແມ່ນການເຄື່ອນໄຫວຢ່າງແທດຈິງ, ເພື່ອແນໃສ່ປະຕິບັດຂໍ້ຕົກລົງຮ່ວມມືລະຫວ່າງ 2 ກະຊວງໃຫ້ມີປະສິດທິຜົນ ແລະ ປະກົດຜົນເປັນຈິງ. ທ່ານໃຫ້ຮູ້ວ່າ: ງານວາງສະແດງຄັ້ງນີ້ມີຄວາມໝາຍ ແລະ ມີຄວາມສຳຄັນສຳລັບນັກຮຽນ, ນັກສຶກສາ ລາວ. ຜ່ານງານວາງສະແດງຄັ້ງນີ້, ພວກນ້ອງຈະມີຂໍ້ມູນຂ່າວກ່ຽວກັບການສຶກສາຂັ້ນມະຫາວິທະຍາໄລຂອງ ຫວຽດນາມ, ພວກນ້ອງຈະມີການເລືອກເຟັ້ນຮຽນຂະແໜງໃດ, ຢູ່ໃສ ແລະ ຂັ້ນໃດ? ທ່ານ ແສງມະນີ ສະແດງຄວາມຫວັງ: ຈະສືບຕໍ່ຮ່ວມມືກ່ວາອີກ, ມີການເຄື່ອນໄຫວທີ່ແທດຈິງຫຼາຍຢ່າງເພື່ອແນໃສ່ຊຸກຍູ້ການຮ່ວມມືໃນຂົງເຂດການສຶກສາລະຫວ່າງ 2 ປະເທດ.