ງານວາງສະແດງພາບຂັດມັນ ແລະ ພາບເຈ້ຍສາຂອງຫວຽດນາມ
ພາບຂັດມັນທີ່ງານວາງສະແດງ
|
(vovworld)- ແຕ່ວັນທີ 4 ຫາວັນທີ 28/2/2014, ຢູ່ຫ້ອງວາງສະແດງພາບແຕ້ມ Victoria ໄດ້ດຳເນີນງານວາງສະແດງພາບແຕ້ມທີ່ມີຫົວຂໍ້ “ ຄວາມເຊື່ອໝັ້ນ ແລະ ກາລະເວລາ ” ຂອງນັກຈິດຕະກອນ ມາຍດັກລິງ. ນີ້ແມ່ນ ງານວາງສະແດງພາບແຕ້ມສ່ວນບຸກຄົນຄັ້ງທຳອິດຂອງ ຂອງນັກຈິດຕະກອນ ມາຍດັກລິງ ຢູ່ຝະລັ່ງ ດ້ວຍພາບຂັດມັດ 13 ແຜ່ນ, ໃນນັ້ນມີພາບທີມີຂະໜາດໃຫຍ່ 5 ແຜ່ນ ແລະ ພາບເຈ້ຍສາເກືອບ 10 ແຜ່ນຊຶ່ງມີລັກສະນະປະສານລະຫວ່າງຝ່າຍຕາເວັນອອກ ແລະ ຕາເວັນຕົກ. ນັກຈິດຕະກອນ ມາຍດັກລິງ ໄດ້ແບ່ງປັນແນວຄວາມຄິດປະດິດຄິດສ້າງຂອງຕົນ ແມ່ນເລີ່ມມາຈາກສະຕິຈິດໃຈຂອງຊາວຫວຽດນາມກ່ຽວກັບ ຄວາມເຊື່ອໝັ້ນ ແລະ ກາລະເວລາ, ກ່ຽວກັບຄອບຄົວ, ສາສະໜາ....ເຖິງວ່າຊ້ອນແຝງແນວຄິດຈິດໃຈໃນພາບຂັດມັນ ຫຼື ມີຄວາມສະຫວ່າງສະໄຫວ ແລະ ຟົດຟື້ນມ່ວນຊື່ນໃນພາບເຈ້ຍສາກໍຕາມ, ແຕ່ສານຂອງນັກຈິດຕະກອນ ມາຍດັກລິງແມ່ນຢາກແນະນຳນ້ຳໃຈວັດທະນະທຳມະນຸດ ແລະ ພຸດທະສາສະໜາໃຫ້ແກ່ຜູ້ມາຊົມ. ນີ້ກໍແມ່ນໂອກາດເພື່ອໃຫ້ບັນດາຜູ້ຊົມຊອບສິລະປະຢູ່ຝະລັ່ງໄດ້ຊອກຮູ້ຕື່ມກ່ຽວກັບສິລະປະເຮັດພາບຂັດມັນ ແລະ ພາບເຈ້ຍສາຂອງຫວຽດນາມອີກດ້ວຍ.