(vovworld) - ເນື່ອງໃນໂອກາດສະເຫຼີມສະຫຼອງ 50 ປີ ແຫ່ງວັນສ້າງຕັ້ງສາຍພົວພັນທາງການທູດ, 35 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ - ລາວ, ຂ່ຳນັບຮັບຕ້ອນປີແຫ່ງຄວາມສາມັກຄີມິດຕະພາບຫວຽດນາມ - ລາວ 2012 ແລະ ກອງປະຊຸມ “ການພົວພັນຮ່ວມມືສະພາແຫ່ງຊາດຫວຽດນາມ - ລາວ” . ຕອນເຊົ້າວັນທີ 23/4, ຢູ່ແຂວງ ເຊີນລາ, ສຳນັກຂ່າວສານຫວຽດນາມ ສົມທົບກັບ ຄະນະກຳມາທິການການຕ່າງປະເທດສະພາແຫ່ງຊາດຫວຽດນາມ, ອົງຄະນະພັກແຂວງ, ຄະນະກຳມະການປະຊາຊົນແຂວງ ເຊີນລາ ແລະ ໜັງສືພິມ ເຊີນລາ ໄດ້ຈັດຕັ້ງງານວາງສະແດງຮູບພາບທີ່ມີຫົວຂໍ້ວ່າ “ນ້ຳໃຈສາມັກຄີມິດຕະພາບແບບພິເສດຫວຽດນາມ - ລາວ”. ທ່ານນາງປະທານສະພາແຫ່ງຊາດ ລາວ ປານີ ຢາທໍຕູ້ ແລະ ທ່ານປະທານສະພາແຫ່ງຊາດຫວຽດນາມ Nguyen Sinh Hung ໄດ້ມາເຂົ້າຮ່ວມ ແລະ ຕັດແຖບຜ້າໄຂງານວາງສະແດງ. ດ້ວຍຮູບພາບຂາວ - ດຳກ່ວາ 150 ແຜ່ນ, ງານວາງສະແດງລວມມີຫຼາຍຫົວຂໍ້ຄື: ນ້ຳໃຈສາມັກຄີ, ມິດຕະພາບແບບພິເສດຫວຽດນາມ - ລາວ ແລະ ເຊີນລາ ກັບບັນດາແຂວງທາງພາກເໜືອຂອງລາວ, ໃນງານວາງສະແດງໄດ້ວາງສະແດງເອກະສານປະຫວັດສາດອັນລ້ຳຄ່າຫຼາຍຢ່າງ. ໃນນັ້ນ, ມີຮູບພາບຫຼາຍແຜ່ນໄດ້ຮັບການສະເໜີເປັນຄັ້ງທຳອິດ, ສ່ອງແສງຢ່າງມີຊີວິດຊີວາ ແລະ ເລິກເຊິ່ງເຖິງການພົວພັນຮ່ວມມືຮອບດ້ານລະຫວ່າງ 2 ປະເທດຫວຽດນາມ - ລາວ.