ງານວາງສະແດງ“ຮວາງຊາ,ເຈື່ອງຊາຂອງຫວຽດນາມ-ບັນດາພະຍານຫຼັກຖານປະຫວັດສາດ”
ງານວາງສະແດງໄດ້ຈັດຂຶ້ນຢຸ່ຫໍພິພິຕະພັນ ຮ່າໂນ້ຍ
(vovworld) – ງານວາງສະແດງໄດ້ຮັບການຈັດຂຶ້ນໃນຕອນບ່າຍວັນທີ 17/1, ຢຸ່ຫໍພິພິຕະພັນ ຮ່າໂນ້ຍ. ດ້ວຍຮູບພາບເກືອບ 40 ແຜ່ນທີ່ໄດ້ຮັບການເລືອກເຟັ້ນຈາກຮູບພາບທີ່ພວມໄດ້ຮັກສາ 400 ແຜ່ນ, ງານວາງສະແດງໄດ້ແບ່ງເປັນ 3 ຫົວຂໍ້ ຄື: ບັນດາພະຍານຫຼັກຖານປະຫວັດສາດກ່ຽວກັບຮ່ວາງຊາ, ເຈື່ອງຊາຂອງ ຫວຽດນາມ, ຊີວິດການເປັນຢູ່ຂອງບັນດານັກຮົບ ແລະ ປະຊາຊົນໃນເກາະ ເຈື່ອງຊາ ແລະ ນ້ຳໃຈຂອງອົງຄະນະພັກ, ອຳນາດການປົກຄອງ, ປະຊາຊົນ ຮ່າໂນ້ຍ ທີ່ມີຕໍ່ ເຈື່ອງຊາ. ງານວາງສະແດງໄດ້ແນະນຳເຖິງຜູ້ຊົມແຜນທີ່ເດີມຂອງ ຫວຽດນາມ, ຈີນ ແລະ ບັນດາປະເທດຝ່າຍຕາເວັນຕົກເກືອບ 40 ແຜ່ນທີ່ຢັ້ງຢືນ ຮ່ວາງຊາ, ເຈື່ອງຊາ ແມ່ນຂອງຫວຽດນາມ . ພິເສດ, ເປັນຄັ້ງທຳອິດທີ່ຫິນປາກະລັງ 33 ກ້ອນຈາກເກາະແຫ່ງຕ່າງໆທີ່ຂຶ້ນກັບໝູ່ເກາະ ເຈື່ອງຊາ ໂດຍ ກອງບັນຊາການເຫຼົ່າທັບເຮືອ ມອບໃຫ້ນະຄອນ ຮ່າໂນ້ຍ ໄດ້ນຳມາວາງສະແດງ, ຊ່ວຍໃຫ້ຜູ້ຊົມເຫັນປະຈັກຕາເຂດທະເລ, ໝູ່ເກາະຂອງປະເທດຊາດ. ຜ່ານບັນດາຮູບພາບ, ຜູ້ຊົມຍັງນັບຖືເຈດຈຳນົງ, ຄວາມຮັບຜິດຊອບຂອງບັນດານັກຮົບທະຫານເຮືອທີ່ໄດ້ຜ່ານຜ່າຄວາມຫຍຸ້ງຍາກເພື່ອຮັກສາໝູ່ເກາະ ເຈື່ອງຊາ ຫຼື ຄວາມປະເອີບໃຈຂອງປະຊາຊົນ ແລະ ບັນດານ້ອງນ້ອຍເມືອງເກາະ ເຈື່ອງຊາ ໃນຊີວິດປະຈຳວັນ... ງານວາງສະແດງໄດ້ແກ່ຍາວຮອດໝົດເດືອນ 3/2014.