ພາບປະກອບ:internet
|
(vovworld)- ແຕ່ວັນທີ 22/8-29/8, ຢູ່ຫໍປະຊຸມທົງເຍີດ(ເອກະພາບ) ນະຄອນໂຮ່ຈິມີນຈະດຳເນີນງານວາງສະແດງທີ່ມີຫົວຂໍ້ວ່າ: ຮ່ວາງຊາ, ເຈື່ອງຊາ ຂອງຫວຽດນາມ- ບັນດາພະຍານຫລັກຖານປະຫວັດສາດ”. ນີ້ແມ່ນການເຄື່ອນໄຫວສຳຄັນເພື່ອສະຫນອງບັນດາແຫລ່ງເອກະສານກ່ຽວກັບອະທິປະໄຕຂອງຫວຽດນາມສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ ຢ່າງເປັນລະບົບ ແລະ ຊັດເຈນ. ຕາມຄະນະຈັດຕັ້ງແລ້ວ, ງານວາງສະແດງຈະນຳວາງສະແດງແຜນທີ່ 150 ແຜ່ນຂອງຫວຽດນາມ, ແຜນທີ່ຂອງຈີນ, ແຜນທີ່ຂອງປະເທດຝ່າຍຕາເວັນຕົກຈຳນວນຫນຶ່ງ ພ້ອມກັບເອກະສານ, ວັດຖຸພັນ, ສິ່ງພິມຫລາຍຢ່າງ. ທີ່ການປະຊຸມຂ່າວໃນຕອນເຊົ້າວັນທີ 16/8 ຢູ່ ນະຄອນໂຮ່ຈິມີນ, ທ່ານ ເລວັນງຽມ, ຫົວຫນ້າກົມຖະແຫລງຂ່າວ-ການຕ່າງປະເທດ, ຫົວຫນ້າຄະນະຈັດຕັ້ງງານວາງສະແດງໃຫ້ຮູ້ວ່າ:
“ພວກຂ້າພະເຈົ້າປາດຖະຫນາວ່າ ງານວາງສະແດງຄັ້ງນີ້ແມ່ນເຫດການສຳຄັນໃນບັນຫາໂຄສະນາກ່ຽວກັບໝູ່ເກາະຮ່ວາງຊາ ແລະ ເຈື່ອງຊາ ອະທິປະໄຕທະເລໝູ່ເກາະຂອງຫວຽດນາມ. ຫວັງວ່າຜູ້ຊົມນັບລ້ານຄົນຈະໄດ້ເຫັນປະຈັກຕາບັນດາຮູບພາບຢ່າງມີຊີວິດຊີວາ ແລະ ຕົນເອງສາມາດເຫັນໄດ້ວ່າ ຫວຽດນາມ ມີພະຍານຫລັກຖານຢ່າງຄົບຖ້ວນເພື່ອຢັ້ງຢືນອະທິປະໄຕຂອງຕົນສຳລັບໝູ່ເກາະສອງແຫ່ງດັ່ງກ່າວ.”