ງານວາງສະແດງແຜນທີ່,ເອກະສານວັດຖຸພັນ”ຮວ່າງຊາ,ເຈືອງຊາຂອງຫວຽດນາມ-ບັນດາພະຍານຫຼັກຖານປະຫວັດສາດແລະນິຕິທຳ”
(ງານວາງສະແດງແຜນທີ່,ເອກະສານວັດຖຸພັນ”ຮວ່າງຊາ, ເຈືອງຊາຂອງຫວຽດນາມ-ບັນດາພະຍານຫຼັກຖານປະຫວັດສາດແລະນິຕິທຳ”)
(vovworld) - ງານວາງສະແດງແຜນທີ່, ເອກະສານວັດຖຸພັນ ”ຮວ່າງຊາ, ເຈືອງຊາຂອງຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິທຳ” ໂດຍກະຊວງຖະແຫຼງຂ່າວ ແລະ ສື່ສານຫວຽດນາມ ສົມທົບກັບກອງບັນຊາການທະຫານນະຄອນຫຼວງຈັດຕັ້ງ, ໄດ້ດຳເນີນໃນຕອນເຊົ້າວັນທີ 20/11 ຢູ່ຮ່າໂນ້ຍ. ງານວາງສະແດງຄັ້ງນີ້ໄດ້ແນະນຳບັນດາເອກະສານວັດຖຸພັນ, ປຶ້ມວັນນະຄະດີ ແລະ ແຜນທີ່ ທີ່ກ່ຽວຂ້ອງເຖິງບັນຫາການຂຸດຄົ້ນ, ການຄຸ້ມຄອງ, ການສ້າງຕັ້ງ ແລະ ປະຕິບັດອະທິປະໄຕສຳລັບສອງໝູ່ເກາະ ຮວ່າງຊາ ແລະ ເຈື່ອງຊາ ໃນສະໄໝລາຊະວົງ ຫງວຽນ ( 1802-1945 ).
ກ່າວຄຳເຫັນທີ່ພິທີໄຂງານວາງສະແດງ, ທ່ານ ເຈືອງມິງຕ໋ວນ, ລັດຖະມົນຕີຊ່ວຍວ່າການກະຊວງຖະແຫຼງຂ່າວ ແລະ ສື່ສານຫວຽດນາມ, ຫົວໜ້າຄະນະຈັດຕັ້ງງານວາງສະແດງ ຢັ້ງຢືນວ່າ:
“ ງານວາງສະແດງໄດ້ປະກອບສ່ວນຢັ້ງຢືນຫຼັກໝັ້ນອັນເປັນທຳ ຂອງຫວຽດນາມ, ຍົກສູງນ້ຳໃຈສາມັກຄີ, ສະຕິຄວາມຮັບຜິດຊອບຂອງປະຊາຊົນພາຍໃນປະເທດ, ຊາວຫວຽດນາມທີ່ດຳລົງຊີວິດຢູ່ຕ່າງປະເທດ ໃນການປົກປັກຮັກສາອະທິປະໄຕທະເລ, ໝູ່ເກາະ. ພ້ອມກັນນັ້ນ, ງານວາງສະແດງຍັງຊ່ວຍໃຫ້ເພື່ອນມິດສາກົນ ເຂົ້າໃຈປະຫວັດສາດທີ່ມີ
ມູນຄວາມຈິງ, ເຂົ້າໃຈເຖິງຄວາມມຸ່ງມາດປາຖະໜາອັນຊອບທຳຂອງປະຊາຊົນຫວຽດນາມ ໃນການປົກປັກຮັກສາສັນຕິພາບ, ສະຖຽນລະພາບ ຢູ່ທະເລຕາເວັນອອກ ແລະ ໃນພາກພື້ນເພື່ອພັດທະນາປະເທດຊາດ”.
ງານວາງສະແດງຈະດຳເນີນໄປຈົນຮອດວັນທີ 24/11 ຈຶ່ງອັດລົງ.