(vovworld) - ຕອນເຊົ້າວັນທີ 07/06, ຢູ່ແຂວງ ບິ່ງເຢືອງ ໄດ້ໄຂງານວາງສະແດງແຜນທີ່ແລະເອກະສານ “ຮ່ວາງຊາ, ເຈື່ອງຊາຂອງຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິທຳ” ຢູ່ບິ່ງເຢືອງ. ງານວາງສະແດງແມ່ນການເຄື່ອນໄຫວເພື່ອແນໃສ່ປະກອບສ່ວນຍົກສູງຄວາມຮັບຮູ້, ນ້ຳໃຈສາມັກຄີ, ສະຕິຄວາມຮັບຜິດຊອບຂອງປະຊາຊົນພາຍໃນປະເທດ, ຊາວຫວຽດນາມ ອາໄສຢູ່ຕ່າງປະເທດ, ພິເສດແມ່ນໄວໜຸ່ມທຸກຊັ້ນວັນນະ ໃນການປົກປັກຮັກສາ ແລະ ຢັ້ງຢືນອະທິປະໄຕຂອງຫວຽດນາມ ສຳລັບ 2 ໝູ່ເກາະຮ່ວາງຊາ ແລະ ເຈື່ອງຊາ ຜ່ານບັນດາອັດຖຸພັນເອກະສານປະຫວັດສາດທີ່ໄດ້ປະກາດ. ງານວາງສະແດງລວມມີເອກະສານ, ວັດຖຸພັນ, ແຜ່ນພິມຫຼາຍແຜ່ນ ແລະ ແຜນທີ່ເກືອບ 100 ແຜ່ນທີ່ໄດ້ນຳມາວາງສະແດງ ແມ່ນການເຕົ້າໂຮມຈາກບັນດາແຫຼ່ງເອກະສານວັດຖຸພັນທີ່ໄດ້ປະກາດນັບແຕ່ກ່ອນມາຮອດປະຈຸບັນຂອງບັນດານັກຄົ້ນຄວ້າ, ນັກຮຽນຮູ້ທັງຢູ່ພາຍໃນປະເທດ ແລະ ສາກົນ. ນອກນັ້ນຍັງມີແຜນທີ່ 65 ແຜ່ນໄດ້ພິສູດໃຫ້ເຫັນອະທິປະໄຕຂອງຫວຽດນາມ ທີ່ມີຕໍ່ໝູ່ເກາະ ຮ່ວາງຊາ ແລະ ເຈື່ອງຊາ ໂດຍຫວຽດນາມ, ຝ່າຍຕາເວັນຕົກ ປະກາດແຕ່ສະຕະວັດທີ 17 ມາຮອດປະຈຸບັນ. ງານວາງສະແດງຈະດຳເນີນຮອດວັນທີ 11/06.