ງານວາງສະແດງແຜນທີ່ແລະວັດຖຸເອກະສານ“ຮ່ວາງຊາ,ເຈື່ອງຊາ-ບັນດາພະຍານຫຼັກຖານປະຫວັດສາດແລະນິຕິທຳ”
![ງານວາງສະແດງແຜນທີ່ແລະວັດຖຸເອກະສານ“ຮ່ວາງຊາ,ເຈື່ອງຊາ-ບັນດາພະຍານຫຼັກຖານປະຫວັດສາດແລະນິຕິທຳ” - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2016_03_02/truong_minh_tuan_zncn.jpg)
ລັດຖະມົນຕີຊ່ວຍວ່າການກະຊວງຖະແຫຼງຂ່າວ ແລະ ສື່ສານ ແນະນຳບັນດາເອກະສານກ່ຽວກັບຮ່ວາງຊາ, ເຈື່ອງຊາ
|
(vovworld) – ວັນທີ 2/3, ກະຊວງຖະແຫຼງຂ່າວ ແລະ ສື່ສານ ສົມທົບກັບຄະນະກຳມະການປະຊາຊົນນະຄອນ ຫາຍຟ່ອງ ຈັດຕັ້ງພິທີໄຂງານວາງສະແດງແຜນທີ່ ແລະ ວັດຖຸເອກະສານ “ຮ່ວາງຊາ, ເຈື່ອງຊາ - ບັນດາພະຍານຫຼັກຖານປະຫວັດສາດ ແລະ ນິຕິທຳ”. ດ້ວຍເອກະສານ, ສິ່ງພິມ ແລະ ແຜນທີ 100 ແຜ່ນ, ງານວາງສະແດງໄດ້ສຸມໃສ່ເຂົ້າໃນເນື້ອໃນ 11 ປະການ. ບັນດາເອກະສານນີ້ລ້ວນແຕ່ຢັ້ງຢືນວິວັດການຄຸ້ມຄອງດ້ານບໍລິຫານ, ການປະຕິບັດ ແລະ ປົກປັກຮັກສາອະທິປະໄຕຂອງ ຫວຽດນາມ ສຳລັບໝູ່ເກາະ ຮ່ວາງຊາ, ເຈື່ອງຊາ. ຜ່ານງານວາງສະແດງ, ເພື່ອນມິດສາກົນ, ໃນນັ້ນທັງມີຊາວ ຈີນ ຈະເຂົ້າໃຈສະພາບຕົວຈິງກ່ຽວກັບສະພາບການຢູ່ທະເລຕາເວັນອອກໃນປະຈຸບັນ, ກໍຄືເຂົ້າໃຈໄດ້ເຖິງຄວາມມຸ່ງມາດປາດຖະໜາອັນເປັນທຳຂອງພັກ, ລັດ ແລະ ປະຊາຊົນ ຫວຽດນາມ ໃນການຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ ເພື່ອພັດທະນາປະເທດຊາດ. ງານວາງສະແດງໄດ້ຮັບການຈັດຕັ້ງຮອດວັນທີ 6/3, ຢູ່ຫໍພິພິຕະພັນ ຫາຍຟ່ອງ ແລະ ເມືອງເກາະ ກາດຫາຍ ແຕ່ວັນທີ 29/3 – 1/4.