ງານວາງສະແດງແຜນທີ່ແລະແນະນຳເອກະສານ“ຮ່ວາງຊາ-ເຈື່ອງຊາຂອງ ຫວຽດນາມ”
(ພາບປະກອບ)
(vovworld) – ງານວາງສະແດງແຜນທີ່ ແລະ ແນະນຳເອກະສານ “ຮ່ວາງຊາ - ເຈື່ອງຊາຂອງ ຫວຽດນາມ ດ້ວຍບັນດາພະຍານຫຼັກຖານປະຫວັດສາດແລະນິຕິກຳ” ຢູ່ແຂວງ ບັກກ້ານ ຈະໄຂຂຶ້ນໃນວັນທີ 29/12/2016 ເນື່ອງໃນໂອກາດສະເຫຼີມສະຫຼອງ 20 ປີແຫ່ງວັນສ້າງຕັ້ງແຂວງ ບັກກ້ານ. ນີ້ແມ່ນການເຄື່ອນໄຫວໂຄສະນາທີ່ສຳຄັນ ເພື່ອແນໃສ່ປະກອບສ່ວນຍົກສູງຄວາມຮັບຮູ້, ນ້ຳໃຈສາມັກຄີ ສະຕິຮັບຜິດຊອບຂອງປະຊາຊົນບັນດາເຜົ່າແຂວງ ບັກກ້ານ ໃນການປົກປັກຮັກສາ ແລະ ຢັ້ງຢືນອະທິປະໄຕຂອງ ຫວຽດນາມ ສຳລັບ 2 ໝູ່ເກາະ ຮ່ວາງຊາ - ເຈື່ອງຊາ ໂດຍຜ່ານບັນດາເອກະສານປະຫວັດສາດ ເຊິ່ງໄດ້ຮັບການປະກາດ. ທ່ານ ຫງວຽນວັນຕ້າວ ຮອງຫົວໜ້າກົມຖະແຫຼງຂ່າວຮາກຖານ (ກະຊວງຖະແຫຼງ ແລະ ສື່ສານ) ໃຫ້ຮູ້ວ່າ:
“ງານວາງສະແດງຄັ້ງນີ້ ແນະນຳ 4 ຮູບການ. ທີ 1 ແມ່ນເອກະສານ, ທີ 2 ແມ່ນບັນດາເອກະສານແຜນທີ່, ທີ 3 ແມ່ນບັນດາເອກະສານຮູບພາບ. ທີ 4 ແມ່ນບາງກິດຈະກຳຄົ້ນຄວ້າພິມຈຳໜ່າຍ. ນອກນັ້ນ ພວກຂ້າພະເຈົ້າກໍ່ວາງສະແດງກ່ຽວກັບວິວັດແຫ່ງການສ້າງສາ ແລະ ພັດທະນາຂອງແຂວງ ບັກກ້ານ ໃນ 20 ປີຜ່ານມາ. ບາງຮູບພາບກ່ຽວກັບອົງຄະນະພັກ ອຳນາດການປົກຄອງແຂວງ ບັກກ້ານ ທີ່ເຂົ້າຮ່ວມໃນການປົກປັກຮັກສາອະທິປະໄຕທະເລໝູ່ເກາະຂອງປະເທດຊາດ. ”
ງານວາງສະແດງແຜນທີ່ີ ແລະ ແນະນຳເອກະສານ “ຮ່ວາງຊາ - ເຈື່ອງຊາຂອງ ຫວຽດນາມ ດ້ວຍບັນດາພະຍານຫຼັກຖານປະຫວັດສາດແລະນິຕິກຳ” ຢູ່ແຂວງ ບັກກ້ານ ຈະດຳເນີນໄປແຕ່ວັນທີ 29/12 – 02/01/2017.