(vovworld) - ງານແຂ່ງຂັນເຕະບານລະຫວ່າງຕຳຫຼວດບັນດາປະເທດອາຊຽນເປີດກວ້າງປີ 2012 ຈະຖືກຈັດຂຶ້ນໃນລະຫວ່າງວັນທີ 22 – 30/8 ແລະ ຈະມີ 5 ທິນເຂົ້າຮ່ວມເຊິ່ງລວມມີ: ຕຳຫຼວດປະຊາຊົນຫວຽດນາມ, ກະຊວງພາຍໃນລາຊະອານາຈັກກຳປູເຈຍ, ກະຊວງປ້ອງກັນຄວາມສະຫງົບ ສປປ ລາວ, ຕຳຫຼວດໄທ ແລະ ຕຳຫຼວດອົດສະຕາລີ. ນີ້ແມ່ນຂ່າວ ເຊິ່ງຄະນະຈັດຕັ້ງປະກາດຢູ່ກອງປະຊຸມຂ່າວກ່ຽວກັບການແຂ່ງຂັນ. ພົນຕີ Bui Quang Ben, ກຳມະການສູນກາງພັກ, ຮອງລັດຖະມົນຕີກະຊວງຕຳຫຼວດຫວຽດນາມ, ຫົວໜ້າຄະນະຈັດຕັ້ງຖານແຂ່ງຂັນໃຫ້ຮູ້ວ່າ, ການແຂ່ງຂັນເຕະບານລະຫວ່າງຕຳຫຼວດບັນດາປະເທດອາຊຽນ ບັນດາປະເທດອາຊຽນ ເປີດກວ້າງປີ 2012 ບໍ່ພຽງແຕ່ມີຄວາມໝາຍທາງດ້ານກິລາເທົ່ານັ້ນ ຫາກຍັງແມ່ນໂອກາດເພື່ອພົບປະແລກປ່ຽນ, ເພີ່ມຄວາມສະໜິດຕິດພັນລະຫວ່າງຕຳຫຼວດບັນດາປະເທດໃນກຸ່ມອາຊຽນ ອີກດ້ວຍ; ເພີ່ມທະວີການພົວພັນຮ່ວມມືໃນຂົງເຂດປ້ອງກັນ ແລະ ຕ້ານອາດຊະຍາກຳ ແລະ ຮັກສາຄວາມສະຫງົບ, ຄວາມເປັນລະປຽບຮຽບຮ້ອຍທາງສັງຄົມກວ່າອີກ. ນີ້ກໍ່ແມ່ນໂອກາດເພື່ອຍົກສູງຄວາມເຂົ້າໃຈ ແລະ ເພີ່ມລັກສະນະສາມັກຄີລະຫວ່າງກຳລັງປ້ອງກັນຄວາມສະຫງົບລະຫວ່າງບັນດາປະເທດໃນພາກພື້ນອາຊຽນ ກັບອົດສະຕາລີ. ການແຂງຂັນເຕະບານໂດຍກະຊວງຕຳຫຼວດຫວຽດນາມ ຈັດຕັ້ງຂຶ້ນເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນສະຖາປະນາ ປະເທດ ສ.ສ ຫວຽດນາມ (02/09/1945 – 02/09/2012), ສະເຫຼີມສະຫຼອງ 67 ປີແຫ່ງວັນສ້າງຕັ້ງກຳລັງຕຳຫຼວດປະຊາຊົນຫວຽດນາມ (19/08/1945 – 19/08/2012).