ພາບປະກອບ
(vovworld) - ຕອນເຊົ້າວັນທີ 2/12, ຢູ່ຮ່າໂນ້ຍ, ກະຊວງແຮງງານ, ທະຫານເສຍອົງຄະ ແລະ ສັງຄົມ, ສົມທົບກັບສະຫະພັນສະມາຄົມຄົນພິການຫວຽດນາມ ຈັດຕັ້ງງານໂຮມຊຸມນຸມ, ງານພົບປະແລກປ່ຽນ ແລະ ການເຄື່ອນໄຫວຕ່າງໆ ເພື່ອຕອບສະໜອງວັນຄົນພິການສາກົນ. ທ່ານຮອງລັດຖະມົນຕີ ກະຊວງແຮງງານ, ທະຫານເສຍອົງຄະ ແລະ ສັງຄົມ ຫງວຽນຈ້ອງດ່າມ ໄດ້ກ່າວຄວາມເຫັນ ໂດຍເນັ້ນໜັກວ່າ: ພັກລັດຫວຽດນາມ ຍາມໃດກໍ່ເອົາໃຈໃສ່ເບິ່ງແຍງ, ຊ່ວຍເຫຼືອ, ສ້າງເງື່ອນໄຂທຸກດ້ານໃຫ້ແກ່ຄົນພິການ, ຮັບປະກັນໃຫ້ຄົນພິການປະຕິບັດສິດສະເໝີພາບ ແລະ ກາລະໂອກາດພັດທະນາຢ່າງຄົບຖ້ວນ. ທ່ານຍັງຢືນຢັນວ່າ: ເພື່ອປັບປຸງກົດໝາຍ, ນະໂຍບາຍກ່ຽວກັບຄົນພິການເທື່ອລະກ້າວ, ກໍ່ຄືປັບປຸງ, ເບິ່ງແຍງຄົນພິການໃຫ້ດີກວ່າ. ລັດຖະບານ ແລະ ທ້ອງຖີ່ນຕ່າງໆໄດ້ຊີ້ນຳ, ບຸລິມາສິດແຫຼ່ງກຳລັງເພື່ອປະຕິບັດຫຼາຍໂຄງການ. ນີ້ກໍ່ແມ່ນຄຳໝັ້ນສາຍາດ້ານການເມືອງຂອງຫວຽດນາມ ໃນການປະຕິບັດສົນທິສັນຍາກ່ຽວກັບຄົນພິການ ເຊິ່ງຫວຽດນາມ ໄດ້ເຂົ້າຮ່ວມ.