(vovworld) - ວັນ​ທີ 12/8, ຢູ່ ຮ່າ​ໂນ້ຍ, ກະຊວງ​ພາຍ​ໃນ ແລະ ອົງການ ສະຫະປະຊາຊາດປະຈຳ ຫວຽດນາມ, ຈັດຕັ້ງງານ​ໂຮມ​ຊຸມນຸມ​ສະ​ເຫຼີມສະຫຼອງ ວັນຊາວໜຸ່ມສາກົນ (12/8) ດ້ວຍຫົວຂໍ້ວ່າ “ຊາວໜຸ່ມ ຫວຽດນາມ: ຄູ່ຮ່ວມມືບັນລຸ ໄດ້ບັນດາຄາດໝາຍໝັ້ນຄົງ“. ໃນພິທີໄດ້ດຳເນີນການເຈລະຈາກັບບັນດາການນຳ ໜຸ່ມ, ທີ່ຕາງໜ້າໃຫ້ຊາວໜຸ່ມ ຫວຽດນາມ 25 ລ້ານຄົນກ່ຽວກັບບັນດາບັນຫາ: ຮົ້ວກີດຂວາງເມື່ອສຳຜັດ ກັບວຽກງານກັບຄົນພິການ; ມາດຕະການດຶງດູດຊາວໜຸ່ມ ພາຍຫຼັງຮຽນຈົບມະຫາວິທະຍາໄລ; ນະໂຍບາຍນຳໃຊ້ຊາວໜຸ່ມຊົນ​ເຜົ່າ​ສ່ວນ​ໜ້ອຍ​ພາຍຫຼັງ​ໄດ້​ຮັບ​ການ​ບຳລຸງ​ສ້າງ…ກ່ຽວ​ກັບ​ນະ​ໂຍບາຍ​ໃຫ້​ຊາວ​ໜຸ່ມ​ຊົນ​ເຜົ່າ​ສ່ວນ​ໜ້ອຍ, ທ່ານ ຫງວຽນ​ຈ້ອງ​ດ່າ​ມ, ຮອງ​ລັດຖະມົນຕີ​ກະຊວງ​ແຮງ​ງານ - ທະຫານ​ເສຍ​ອົງຄະ​ສັງຄົມ, ​ໃຫ້​ຮູ້​ວ່າ:

        “ປະຈຸ​ບັນ ຫວຽດນາມ​ມີ​ນະ​ໂຍບາ​ຍສົ່ງ​ເສີມ​ບັນດາ​ຊາວໜຸ່ມ​ຊົນ​ເຜົ່າ​ຢ່າງ​ພ້ອມພຽງ, ຖ້າ​ຫາກ​ເຮັດ​ວຽກ​ໃນ​ທຸກ​ຂົງ​ເຂດ ລ້ວນ​ແຕ່​ມີ​ນະ​ໂຍບາຍ​ໜູນ​ຊ່ວຍ. ຖ້າ​ ພວກ​ເພື່ອນ​ກໍ່​ຮ່າງ​ສ້າງ​ຕົວ, ສ້າງ​ພື້ນຖານ​ຜະລິດ, ພວກ​ເພື່ອນ​ຈະ​ໄດ້​ຮັບ​ການ​ໜູນ​ຊ່ວຍ​ດ້ານ​ທຶນຮອນ​ໃນ​ເບື້ອງ​ຕົ້ນ, ​ໄດ້​ຮັບ​ບຸລິ​ມາ​ສິດ​ກ່ຽວ​ກັບ​ບັນຫາ​ເຊົ່າ​ທີ່​ດິນ, ຖືກ​ຍົກ​ເວັ້ນ, ຫຼື​ຫຼຸດຜ່ອນ​ພາສີ​ພັນທະ​ຕ້ອງ​​ເສຍ​ໃນ​ໄລຍະ​ໃດ​ໜຶ່ງ​ຢ່າງ​ແນ່ນອນ“.