ການສະແດງສິລະປະທີ່ພິທີ
|
(vovworld) – ວັນທີ 23/11, ຢູ່ໂຮງຮຽນວັດທະນະທຳ 1 - ກະຊວງຕຳຫຼວດ (ນະຄອນ ທ໋າຍງວຽນ, ແຂວງ ທ໋າຍງວຽນ), ສະມາຄົມມິດຕະພາບ ຫວຽດນາມ - ລາວ ໄດ້ຈັດຕັ້ງງານໂຮມຊຸມນຸມສະເຫຼີມສະຫຼອງວັນສະຖາປະນາປະເທດ ສປປ. ລາວ ຄົບຮອບ 41 ປີ (2/12/1975 – 2/12/2016). ທີ່ພິທີໂຮມຊຸມນຸມ, ບັນດາຜູ້ແທນໄດ້ຫວນຄືນປະຫວັດແຫ່ງການຕໍ່ສູ້ຍາດເອົາເອກະລາດແຫ່ງຊາດຂອງປະຊາຊົນ ລາວ, ວິວັດແຫ່ງການກໍ່ສ້າງ ແລະ ພັດທະນາຂອງພັກປະຊາຊົນປະຕິວັດ ລາວ ກໍ່ຄືສາຍພົວພັນທີ່ເປັນມູນເຊື້ອ, ນ້ຳໃຈມິດຕະພາບແບບພິເສດລະຫວ່າງ 2 ປະເທດ ຫວຽດນາມ - ລາວ.
ທ໋າຍງວຽນ ແມ່ນແຂວງແຮກສ່ຽວກັບແຂວງ ຫຼວງພະບາງ, ມີການພົວພັນເລິກເຊິ່ງກັບແຂວງຫົວພັນ. ແຕ່ຊຸມປີ 1960 – 1970, ທ໋າຍງວຽນ ໄດ້ຮັບນັກຮຽນ, ນັກສຶກສາ ລາວ ມາຮ່ຳຮຽນຢູ່ໂຮງຮຽນສາມັນສຶກສາ ແລະ ມະຫາວິທະຍາໄລຫຼາຍແຫ່ງໃນບໍລິເວນແຂວງ. ປະຈຸບັນ, ມີການນຳຫຼາຍທ່ານໄດ້ເຕີບໃຫຍ່ ແລະ ພວມຮັກສາຕຳແໜ່ງຫຼັກແຫຼ່ງຂອງພັກ, ລັດລາວ. ບັນດາຂະແໜງການກ່ຽວຂ້ອງໃນແຂວງຍາມໃດກໍ່ເອົາໃຈໃສ່ ແລະ ສ້າງເງື່ອນໄຂສະດວກກ່ຽວກັບການຮ່ຳຮຽນ, ການດຳລົງຊິວິດໃຫ້ແກ່ນັກຮຽນ, ນັກສຶກສາລາວ. ປະຈຸບັນ, ໃນບໍລິເວນແຂວງ ທ໋າຍງວຽນ ມີນັກຮຽນ, ນັກສຶກສາລາວກ່ວາ 1.600 ຄົນພວມຮ່ຳຮຽນຢູ່ໂຮງຮຽນແຫ່ງຕ່າງໆ.