ງານໂຮມຊຸມນຸມສະເຫຼີມສະຫຼອງວັນສາກົນກ່ຽວກັບຊີວະນາໆພັນ
ທ່ານ ຫງວຽນເທ໋ດົ່ງ ກ່າວຄຳເຫັນທີ່ງານໂຮມຊຸມນຸມ
(ພາບ: vacne.org.vn)
|
(vovworld) – “ອະນຸລັກຮັກສາຊີວະນາໆພັນເພື່ອການພັດທະນາແບບຍືນຍົງ” ແມ່ນຫົວຂໍ້ຂອງງານໂຮມຊຸມນຸມສະເຫຼີມສະຫຼອງວັນສາກົນຊີວະນາໆພັນ (22/5) ໂດຍກະຊວງຊັບພະຍາກອນ ແລະ ສິ່ງແວດລ້ອມຈັດຕັ້ງໃນຕອນເຊົ້າວັນທີ 22/5, ຢູ່ຮ່າໂນ້ຍ. ກ່າວຄຳເຫັນທີ່ງານໂຮມຊຸມນຸມ, ທ່ານ ຫງວຽນເທ໋ດົ່ງ, ຮອງຫົວໜ້າກົມໃຫຍ່ສິ່ງແວດລ້ອມ, ກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ, ຢັ້ງຢືນວ່າ: ຫວຽດນາມ ໄດ້ຕັ້ງໜ້າເຂົ້າຮ່ວມ ແລະ ປະຕິບັດບັນດາສົນທິສັນຍາສາກົນກ່ຽວກັບການອະນຸລັກຮັກສາຊີວະນາໆພັນ, ບຸລິມະສິດຍູ້ແຮງວຽກງານອະນຸລັກຮັກສາຊີວະນາໆພັນ. ເມື່ອເນັ້ນໜັກເຖິງຄວາມສຳຄັນຂອງການສ້າງລະບົບກົດໝາຍກ່ຽວກັບຊີວະນາໆພັນ ຫວຽດນາມ, ທ່ານ ຫງວຽນເທ໋ດົ່ງ, ຖືວ່າ:
“ເພື່ອແນໃສ່ສືບຕໍ່ຊຸກຍູ້, ເພີ່ມທະວີວຽກງານອະນຸລັກຮັກສາຊີວະນາໆພັນ, ໃນໄລຍະຈະມາເຖິງ, ພວກເຮົາຕ້ອງບຸລິມະສິດສືບຕໍ່ສ້າງສຳເລັດລະບົບກົດໝາຍກ່ຽວກັບຊີວະນາໆພັນ, ຍູ້ແຮງການປະຕິບັດກົດໝາຍວ່າດ້ວຍຊີວະນາໆພັນ, ຊຸກຍູ້ການຜັນຂະຫຍາຍຍຸດທະສາດແຫ່ງຊາດກ່ຽວກັບຊີວະນາໆພັນຮອດປີ 2020 ແລະ ວິໄສທັດຮອດປີ 2030.”