(vovworld)- ວັນທີ 28/12, ຢູ່ ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງງານໂຮມຊຸມນຸມສະເຫລີມສະຫລອງ 40 ປີແຫ່ງວັນສ້າງສາຍພົວພັນທາງການທູດລະຫວ່າງ ຫວຽດນາມ ແລະ ປາກິສະຖານ. ນະທີ່ນີ້, ທ່ານ ໂດນຕວນຟອງ, ຮອງປະທານສະຫະພັນບັນດາອົງການມິດຕະພາບ ຫວຽດນາມ ໄດ້ຢືນຢັນບາດກ້າວພັດທະນາອັນຈົບງາມຂອງສາຍພົວພັນມິດຕະພາບ ແລະ ການຮ່ວມມື ລະຫວ່າງ ຫວຽດນາມ ແລະ ປາກິສະຖານ ໃນ 40 ປີຜ່ານມາ, ຊຶ່ງຕາມນັ້ນ ການຮ່ວມມືອັນຈົບງາມໃນຂົງເຂດການເມືອງໄດ້ສ້າງປະຖົມປັດໄຈສຳຄັນໃຫ້ແກ່ການຮ່ວມມືຫລາຍດ້ານ ລະຫວ່າງ ຫວຽດນາມ ແລະ ປາກິສະຖານ. ທ່ານ ໂດນຕວນຟອງ ມີຄວາມເຊື່ອໝັ້ນວ່າ: ການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ປາກິສະຖານ ຈະບັນລຸໄດ້ຜົນງານອັນໃຫຍ່ຫລວງຫລາຍຢ່າງກວ່າເກົ່າ, ຕອບສະຫນອງຜົນປະໂຫຍດອັນແທດຈິງຂອງສອງປະເທດ.