ງານໂຮມຊຸມໜຸມສະເຫຼີມສະຫຼອງວັນບຸນໃຫຍ່ຂອງຫວຽດນາມຢູ່ລັດເຊຍ
(ພາບ: ອິນເຕີແນດ)
(vovworld) - ສະຖານທູດຫວຽດນາມ ປະຈຳສະຫະພັນລັດເຊຍ ໄດ້ຈັດພິທີສະເຫຼີມສະຫຼອງ 68 ປີ ແຫ່ງວັນສ້າງຕັ້ງກອງທັບປະຊາຊົນຫວຽດນາມ, 23 ປີ ແຫ່ງວັນທົ່ວປວງຊົນປ້ອງກັນຊາດ ແລະ 40 ປີ ແຫ່ງວັນໄຊຊະນະດ້ຽນບຽນຝູ ທາງອາກາດ. ເນື່ອງໃນໂອກາດນີ້, ທ່ານເອກອັກຄະລັດຖະທູດ ຟ້າມຊວນເຊີນມີບົດປາໄສ ຊີ້ແຈ້ງຄວາມໝາຍປະຫວັດສາດ ແລະ ໄຊຊະນະດ້ຽນບຽນຝູທາງອາກາດ, ຢືນຢັນຄຸນງາມຄວາມດີ, ກໍ່ຄືສະແດງຄວາມຮູ້ບຸນຄູນຕໍ່ບັນດາສະຫາຍ, ອ້າຍນ້ອງໂຊຫວຽດໃນເມື່ອກ່ອນ, ເຊິ່ງແມ່ນເພື່ອນຜູ້ສະໜິດສະໜົມຂອງປະຊາຊົນຫວຽດນາມ. ທ່ານເອກອັກຄະລັດຖະທູດ ຟ້າມຊວນເຊີນ, ເນັ້ນໜັກວ່າ:
”ຫວນຄືນຊຸມເດືອນປີແຫ່ງສົງຄາມອັນທຸກຍາກລຳບາກ, ເຈບແສບ ກໍ່ຄື ໄຊຊະນະອາສະຫງ່າລາສີ, ຄວາມເອກອ້າງທະນົງໃຈຕໍ່ຜົນງານຕ່າງໆ ແລະ ການປ່ຽນແປງອັນດີງາມຂອງທຸກວັນນີ້, ພວກເຮົາເຊື່ອໝັ້ນຕໍ່ອະນາຄົດອັນສົດໃສຂອງປະເທດຊາດ, ຊາວຫວຽດນາມລຸ້ນຕ່າງໆຍາມໃດກໍ່ຮູ້ບຸນຄຸນຂອງໂຊຫວຽດໃນເມື່ອກ່ອນ ແລະ ສະຫະພັນລັດເຊຍໃນປະຈຸບັນ, ໃນນັ້ນມີບັນດາທີ່ປຶກສາ, ຜູ້ຊ່ຽວຊານທີ່ໄດຕໍ່ສູ້ ແລະ ເສຍສະຫຼະຊີວິດຂອງຕົນເພື່ອເອກະລາດ, ເສລີພາບຂອງຊາດຫວຽດນາມ”.