ຈົ່ງມີການກະທຳເພື່ອ“ມະຫາສະມຸດເຂັ້ມແຂງ,ໜ່ວຍໂລກປອດໄສ”
(ພາບປະກອບ: Báo Quảng Ngãi)
(vovworld) - ຈົ່ງມີການກະທຳເພື່ອ “ມະຫາສະມຸດເຂັ້ມແຂງ, ໜ່ວຍໂລກປອດໄສ” ແມ່ນຂໍ້ມູນຂອງສັບປະດາທະເລ, ໝູ່ເກາະຫວຽດນາມ ປີ 2015, ທີ່ສົ່ງເຖິງທຸກຄົນ, ຜ່ານນັ້ນປະກອບສ່ວນຍົກສູງຄວາມຮັບຜິດຊອບປົກປັກຮັກສາ, ຂຸດຄົ້ນຊັບພະຍາກອນແບບຍືນຍົງ, ປົກປັກຮັກສາສິ່ງແວດລ້ອມທະເລ ແລະ ໝູ່ເກາະຂອງປະເທດຊາດ, ປົກປັກຮັກສາອະທິປະໄຕທະເລ, ໝູ່ເກາະທີ່ສັກກະລະບູຊາຂອງປະເທດຊາດ. ສັບປະດາທະເລ, ໝູ່ເກາະຫວຽດນາມ ປີ 2015 ໂດຍກະຊວງຊັບພະຍາກອນ ແລະ ສິ່ງແວດລ້ອມ ສົມທົບກັບຄະນະກຳມະການປະຊາຊົນແຂວງກວາງຫງ້າຍ ຈັດຕັ້ງໃນລະຫວ່າງວັນທີ 01 – 08/06, ເພື່ອແນໃສ່ຍູ້ແຮງວຽກງານໂຄສະນາ, ຂົນຂວາຍປະຊາຊົນທຸກຄົນ ຍົກສູງສະຕິປົກປັກຮັກສາຊັບພະຍາກອນສິ່ງແວດລ້ອມ, ອະນຸລັກຮັກສາ, ເສີມຂະຫຍາຍບັນດາຄຸນຄ່າຂອງຊັບພະຍາກອນ ແລະ ສິ່ງແວດລ້ອມທະເລ, ໝູ່ເກາະ.
ເພື່ອຕອບສະໜອງເຫດການນີ້, ວັນທີ 08/06, ຢູ່ຫາດຊາຍທະເລມິ້ເຄ, ນະຄອນ ກວາງຫງ້າຍ, ແຂວງກວາງຫງ້າຍ ໄດ້ຈັດງາມໂຮມຊຸມນູມສະເຫຼີມສະຫຼອງວັນມະຫາສະມຸດໂລກ ແລະ ຕອບສະໜອງສັບປະດາທະເລແລະໝູ່ເກາະຫວຽດນາມ 2015. ກ່າວຄຳເຫັນທີ່ພິທີ, ທ່ານ ຈຸຟ້າມງອກຫຽນ, ລັດຖະມົນຕີຊ່ວຍວ່າການກະຊວງຊັບພະຍາກອນ ແລະ ສິ່ງແວດລ້ອມ ຖືວ່າ.
“ພວກເຮົາຕ້ອງນຳໃຊ້ຊັບພະຍາກອນທະເລໃຫ້ປະຢັດ ແລະ ມີປະສິດທິຜົນ ກໍ່ຄືເອົາໃຈໃສ່ເຖິງການປົກປັກຮັກສາສິ່ງແວດລ້ອມທະເລ. ນີ້ແມ່ນບັນຫາຮີບດ່ວນ ເພື່ອແນໃສ່ຍົດສູງຄວາມຮັບຮູ້ຂອງທຸກຂັ້ນ, ທຸກຂະແໜງການ ໃນບັນຫາຂຸດຄົ້ນ, ນຳໃຊ້ຊັບພະຍາກອນສິ່ງແວດລ້ອມ ຮັບໃຊ້ການພັດທະນາແບບຍືນຍົງເຂດທະເລ, ໝູ່ເກາະ, ໄປຄຽງຄູ່ກັບການປົກປັກຮັກສາສິ່ງແວດລ້ອມທະເລ ແລະ ໝູ່ເກາະ”.