ຈັດຕັ້ງກອງປະຊຸມສຳມະນາກ່ຽວກັບການຮ່ວມມືເສດຖະກິດ2ພາກພື້ນອາຊຽນ-SELA
(ພາບປະກອບ)
(vovworld) - ຫວ່າງແລ້ວນີ້ ຢູ່ນະຄອນຫລວງ Caracas ຂອງ ເວເນຊູເອລາ. ສະຖານທູດ ຫວຽດນາມ ປະຈຳ ເວເນຊູເອລາ ສົມທົບກັບສະຖານທູດບັນດາປະເທດ ອາຊຽນ ໃນລະບົບເສດຖະກິດອາເມລິກາລາຕີນ (SELA) ຈັດຕັ້ງກອງປະຊຸມສຳມະນາກ່ຽວກັບການຮ່ວມມືເສດຖະກິດ 2 ພາກພື້ນ ອາຊຽນ - SELA. ເຂົ້າຮ່ວມເຫດການມີບັນດາເອກອັກຄະລັດຖະທູດ, ອຸປະທູດຊົ່ວຄາວບັນດາປະເທດ ອາຊຽນ ແລະ SELA ຢູ່ ເວເນຊູເອລາ ພ້ອມກັບນັກຊ່ຽວຊານດ້ານເສດຖະກິດ, ນັກຮຽນຮູ້ຫລາຍທ່ານ ທີ່ມີອິດທິພົນຊື່ສຽງຢູ່ພາກພື້ນ. ທີ່ກອງປະຊຸມສຳມະນາ, ຜູ້ແທນຫລາຍທ່ານຂອງບັນດາອົງການເສດຖະກິດພາກພື້ນ ແລະ ອະນຸພາກພື້ນລາຍງານກ່ຽວກັບສະພາບການພັດທະນາ, ແລກປ່ຽນການຄ້າ, ກາລະໂອກາດ ແລະ ສິ່ງທ້າທາຍໃນການຮ່ວມມືລະຫວ່າງບັນດາຝ່າຍ. ບັນດາຜູ້ແທນກໍ່ເຫັນດີເປັນເອກະພາບໂດຍຖືວ່າ: ການແລກປ່ຽນດ້ານການຄ້າລະຫວ່າງພາກພື້ນຍັ້ງຄົງຂອບເຂດ 2 ຝ່າຍເປັນຕົ້ນ ແລະ ຍັງບໍ່ທັນມີພື້ນຖານນິຕິກຳຢ່າງໝັ້ນຄົງ, ຕ່າງຫາກ ເພື່ອເປັນໄມ້ງັດຊຸກຍູ້ການຮ່ວມມືລະຫວ່າງກຸ່ມ. ສ່ວນຜູ້ຕາງໜ້າບັນດາປະເທດ ອາຊຽນ ໄດ້ລາຍງານກ່ຽວກັບວິວັດການສ້າງຕັ້ງ, ພັດທະນາກໍ່ຄືບັນດາຜົນງານໃຫຍ່ຂອງປະຊາຄົມ ອາຊຽນ.
ກ່າວຄຳເຫັນທີ່ກອງປະຊຸມສຳມະນາ, ທ່ານ ໂງຕ໋ຽນຢຸງ ເອກອັກຄະລັດຖະທູດ ຫວຽດນາມ ປະຈຳ ເວເນຊູເອລາ ເນັ້ນໜັກວ່າ: ໃນໄລຍະຈະມາເຖິງ, ການນຳຂັ້ນສູງບັນດາຝ່າຍທີ່ກ່ຽວຂ້ອງຄວນເພີ່ມທະວີການພົບປະ, ແລກປ່ຽນ ແລະ ລົງນາມໃນບັນດາຂໍ້ຕົກລົງ, ສັນຍາແມ່ກ່ຽວກັບການຮ່ວມມືລະຫວ່າງຕໍ່ພາກພື້ນ ເພື່ອເປັນພື້ນຖານນິຕິກຳໃຫ້ແກ່ການເພີ່ມທະວີ ແລະ ເປີກກ້ວາງການຮ່ວມມືໃນຫລາຍຂົງເຂດ.