ຈັດຕັ້ງສັບປະດາສິນຄ້າຫວຽດນາມຢູ່ຝະລັ່ງປະສົມຜົນສຳເລັດ
(vovworld) – ກະຊວງອຸດສາຫະກຳການຄ້າ ແລະ ສະຖານທູດ ຫວຽດນາມ ປະຈຳ ຝະລັ່ງ ສົມທົບກັບຫ້ອງການການຄ້າ ແລະ ອຸດສາຫະກຳເຂດ Rhone Alpes ຫາກໍ່ຈັດຕັ້ງສັບປະດາສິນຄ້າ ຫວຽດນາມ ຢູ່ນະຄອນ Lyon ຝະລັ່ງ ຢ່າງສຳເລັດຜົນ. ເຫດການໄດ້ດຶງດູດການເຂົ້າຮ່ວມຂອງອົງການການຄ້າ ແລະ ວິສາຫະກິດ ຝະລັ່ງ ປະມານ 100 ແຫ່ງພ້ອມກັບວິສາຫະກິດ ຫວຽດນາມ 20 ແຫ່ງ. ບັນດາຜະລິດຕະພັນໄດ້ວາງສະແດງຢູ່ຮ້ານສັບພະສິນຄ້າCasino Gambetta ຢູ່ນະຄອນ Lyon ລວມມີ: ໝາກໄມ້, ກຸ້ງ, ເຄື່ອງດື່ມ, ເຂົ້າສານ…ອັນໄດ້ດຶງດູດຄວາມສົນໃຈຈາກຜູ້ອຸປະໂພກບໍລິໂພກທ້ອງຖິ່ນ. ເນື່ອງໃນໂອກາດນີ້ ກະຊວງອຸດສາຫະກຳ ແລະ ການຄ້າ ສົມທົບກັບສະຖານທູດ ຫວຽດນາມ ປະຈຳ ຝະລັ່ງ ແລະ ຫ້ອງການການຄ້າ ແລະ ອຸດສາຫະກຳເຂດ Rhone Alpes ຈັດຕັ້ງກອງປະຊຸມສຳມະນາ “ຫວຽດນາມ - ພື້ນຖານເສດຖະກິດພວມພັດທະນາແຮງ” ເພື່ອແນໃສ່ຊ່ວຍເຫຼືອບັນດາວິສາຫະກິດກຳແໜ້ນກາລະໂອກາດພາຍຫລັງສັນຍາການຄ້າເສລີ ຫວຽດນາມ - ອີຢູ (EVFTA) ໄດ້ຮັບການລົງນາມຢ່າງເປັນທາງການ. ທ່ານນາງຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໂຮ່ທິກີມທວາ ຖືວ່າ:
“EVFTA ຈະສືບຕໍ່ຊຸກຍູ້ການພົວພັນການຄ້າລະຫວ່າງ ຫວຽດນາມ ແລະ ອີຢູ, ຊ່ວຍເປີດກ້ວາງຕະຫລາດໃຫ້ສິນຄ້າສົ່ງອອກກ່ວາອີກ, ພິເສດແມ່ນບັນດາຜະລິດຕະພັນ ຊຶ່ງ 2 ຝ່າຍມີທ່າແຮງ. ເມື່ອສັນຍາໄດ້ຮັບການປະຕິບັດ, ບັນດາປະເພດສິນຄ້າສົ່ງອອກສຳຄັນສ່ວນຫລາຍຂອງ ອີຢູ ແລະ ບາງປະເພດສິນຄ້າຂອງ ຫວຽດນາມ ຄື: ຜະລິດຕະພັນກະເສດ, ເຄື່ອງຕ່ຳແຜ່ນຕັດຫຍິບ, ເກີບ ໜັງ, ສິນໃນນ້ຳ ຈະໄດ້ຮັບບຸລິມະສິດກ່ວາ ເມື່ອແຊກຊຶມເຂົ້າຕະຫລາດຂອງປະເທດອື່ນດ້ວຍພື້ນຖານເສດຖະກິດພັດທະນາຂະຫຍັນຂັນເຄື່ອນ ແລະ ຕະຫລາດມີຜູ້ອຸປະໂພກບໍລິໂພກກ່ວາ 90 ລ້ານຄົນຂອງ ຫວຽດນາມ, ອາດຈະຢືນຢັນວ່າ: ຄວາມສາມາດບົ່ມຊ້ອນ ເພື່ອໃຫ້ບັນດາວິສາຫະກິດ ຝະລັ່ງ ພັດທະນາການພົວພັນເສດຖະກິດ - ການຄ້າກັບ ຫວຽດນາມ ຍິ່ງກ່ວາອີກ ພາຍຫລັງມີ FTA ແມ່ນຈະແຈ້ງທີ່ສຸດ.