![ຈັດພິທີລະນຶກປີສາມັກຄີມິດຕະພາບ ຫວຽດນາມ - ລາວ ຢູ່ໄທ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2012_07_21/thi dau.jpg)
ພະນັກງານ ສະຖານທູດ ຫວຽດນາມ ແລະ ລາວ
ພາບ:TTXVN
|
(vovword) - ວັນທີ 20/7, ເນື່ອງໃນໂອກາດລະນຶກ 50 ປີແຫ່ງວັນສ້າງຕັ້ງສາຍພົວພັນທາງການທູດ ແລະ 35 ປີ ແຫ່ງວັນເຊັນສົນທິສັນຍາມິດຕະພາບການຮ່ວມມືລະຫວ່າງ ຫວຽດນາມ ແລະ ລາວ, ສະຖານທູດ ຫວຽດນາມ ຢູ່ ນະຄອນຫລວງ ບາງກອກປະເທດໄທ ໄດ້ຈັດຕັ້ງການເຄື່ອນໄຫວພົວພັນແລກປ່ຽນວັດທະນະທຳ, ກິລາ ກັບສະຖານທູດ ລາວ ເພື່ອປະກອບສ່ວນເພີ່ມທະວີຄວາມສາມັກຄີ ມິດຕະພາບລະຫວ່າງສອງຝ່າຍໃນປີສາມັກຄີມິດຕະພາບ ຫວຽດນາມ ແລະ ລາວ. ທ່ານ
ຫລີ ບຸນຄ້ຳ ເອກອັກຄະລັດຖະທູດ ລາວ ຖືວ່າ: ການພົວພັນລະຫວ່າງ ລາວ ແລະ ຫວຽດນາມ ແມ່ນສາຍພົວພັນແບບພິເສດ ແລະ ສະຖານທູດສອງປະເທດ ປະຈຳບາງກອກ ຍາມໃດກໍສະຫງວນໃຫ້ອາລົມຈິດພິເສດໃຫ້ກັນ. ບັນດາການເຄື່ອນໄຫວວັດທະນະທຳ, ກິລາ ແມ່ນສ່ວນຫນຶ່ງໃນການເຄື່ອນໄຫວຕ່າງໆປະກອບສ່ວນເພີ່ມທະວີຄວາມສາມັກຄີລະຫວ່າງສອງປະເທດ.