(vovworld) – ຕອນບ່າຍວັນທີ 11/11, ທີ່ປັກກິ່ງ, ປະເທດຈີນ, ພາຍຫຼັງອັດກອງປະຊຸມຂັ້ນສູງເວທີປາໄສຮ່ວມມືເສດຖະກິດອາຊີ - ປາຊີຟິກ (APEC) ຄັ້ງທີ 22, ທ່ານປະທານປະເທດ ສື່ຈີນຜິງ ໄດ້ຈັດການປະຊຸມຂ່າວກັບບັນດານັກຂ່າວຈີນ ແລະ ຕ່າງປະເທດກ່ຽວກັບໝາກຜົນຂອງກອງປະຊຸມ. ທ່ານປະທານປະເທດ ສື່ຈີນຜິງ ໃຫ້ຮູ້ວ່າ, ບັນດາການນຳພື້ນຖານເສດຖະກິດສະມາຊິກ APEC ໄດ້ສຸມໃສ່ປຶກສາຫາລືຫົວຂໍ້ ພ້ອມກັນສ້າງການພົວພັນຄູ່ຮ່ວມມືອາຊີ - ປາຊີຟິກ ມຸ່ງໄປເຖິງອະນາຄົດເພື່ອແນໃສ່ຊຸກຍູ້ການພັດທະນາຢ່າງມີຫົວຄິດປະດິດສ້າງ, ປະຕິຮູບ ແລະ ການເຕີບໂຕ, ເພີ່ມທະວີບົດບາດຂອງອາຊີ - ປາຊີຟິກ ໃນການນຳໜ້າພາເສດຖະກິດໂລກ. ກອງປະຊຸມຕົກລົງເລີ່ມປະຕິບັດວິວັດການສ້າງຕັ້ງເຂດການຄ້າເສລີອາຊີ - ປາຊີຟິກ. ກອງປະຊຸມກໍ່ໄດ້ຮັບຮອງເອົາ “ແຜນການເຊື່ອມຕໍ່” APEC, ກຳນົດຄາດໝາຍປະຕິບັດວິໄສທັດເພີ່ມທະວີການເຊື່ອມຕໍ່ຊອບແວ, ຮາດແວ ແລະ ພົບປະແລກປ່ຽນລະຫວ່າງມະນຸດດ້ວຍກັນ.